11 секојдневни ситуации со кои несвесно оставате впечаток на некултурна личност

Кога доцните се правдате со фразата: „Еве доаѓам...“

Колку пати ви се случило некому што ве чека да му кажете дека доаѓате, а всушност да не сте излезени од дома.

Некултурно е да им го трошите времето на луѓето и да ги лажете дека брзо ќе стигнете, а всушност знаете дека ќе треба долго да ве чекаат.

Чистите во домот на пријателите

Убаво е кога некој сака да ви помогне, но пред да ги засукате ракавите во домот на пријателите сепак прашајте дали им пречи да помогнете, без разлика на тоа колку сте блиски. Не сакате погрешно да ја сфатат вашата добра намера.

Не мора секогаш да бидете искрени во целост

Можеби сметате дека со тоа што сте во целост искрени можете да му направите услуга, но искреноста не е секогаш најдобра.

Запомнете вистината некогаш може да боли, па подобро е да премолчите за некои работи за да не се доведете во конфликтни ситуации.

Кога станувате во автобус

Дали личноста на која ѝ остапувате место е повозрасна или само така изгледа? Дали е бремена или само така изгледа? Кога не сте сигурни дали е во ред да станете и да отстапите место, прво прашајте дали некој сака да седне. 

Не ѝ кажувате на пријателката дека нешто не е во ред со нејзиниот изглед

Ако вие забележавте дека пријателката има нешто на забите или дека хулахопките ѝ се скинати, тогаш и другите ќе забележат, а таа ќе биде засрамена.

Културно е дискретно да ѝ кажете дека треба да го поправи изгледот.

Премногу брзо се зближувате со луѓето

Се обидувате да наметнете пријателска атмосфера, затоа што сакате новиот колега да се чувствува добредојдено, па заради тоа сакате брзо да се зближите.

Некултурно е на личноста што не ја познавате да ѝ се обраќате на прекар, нагалено или веднаш да почнете да споделувате детали од својот приватен живот.

Плаќате нечија сметка без негово знаење

Сакате да бидете љубезни и да ја платите сметката, но запомнете, мора да оставите простор личноста што сакате да ја почестите да може да прифати или да одбие.

Ако инсистирате да платите нечија сметка кога некој не е свесен за тоа, само ќе направите да се чувствува непријатно.

Б. С. Б. | Црнобело