Инспиративна приказна за 6-годишна гимнастичарка која остана без нога во руски ракетен напад и тренира со простетичка нога

6-годишната гимнастичарка Олександа Паскал од Украина лани ја загуби ногата во руски ракетен напад, а откако пред неколку месеци доби протеза за ногата, повторно учеше да оди и сега повторно тренира, со што стана инспирација за многу нејзини врсници. Тажна приказна со инспиративен крај - доказ дека со упорност и желба, сè е можно... 

6-godishna-gimnasticharka-koja-ostana-bez-noga-vo-ruski-raketen-napad-povtorno-pochna-da-trenira-inspirativnata-prikazna-na-oleksandra-paskal-video-01.jpg

Олександра Паскал од Одеса во Украина има инспиративна животна приказна.

Почнала да тренира гимнастика на три години. Иако мала, освоила неколку медали во нејзините категории.

6-godishna-gimnasticharka-koja-ostana-bez-noga-vo-ruski-raketen-napad-povtorno-pochna-da-trenira-inspirativnata-prikazna-na-oleksandra-paskal-video-04.jpg

Но, нејзината кариера ја прекина воениот конфликт во Украина, кога во руски ракетен напад на 16 мај 2022 година ја загуби ногата. Ракетата го погоди рекреативниот центар и летните куќички во Затока, во близина на Одеса.

Олександра ја загубила ногата во нападот, а нејзината мајка се здобила со многу повреди и делумно го загубила слухот.

6-godishna-gimnasticharka-koja-ostana-bez-noga-vo-ruski-raketen-napad-povtorno-pochna-da-trenira-inspirativnata-prikazna-na-oleksandra-paskal-video-02.jpg

Откако лекарите ѝ ја ампутираа ногата до пола, Олександра поминала две недели во болница на интензивна нега.

Благодарение на добротворните акции на вработените во одделот за финансии на Градскиот совет на Одеса, Олександра доби најсовремена болничка протеза, и полека му се враќа на својот секојдневен живот.

6-godishna-gimnasticharka-koja-ostana-bez-noga-vo-ruski-raketen-napad-povtorno-pochna-da-trenira-inspirativnata-prikazna-na-oleksandra-paskal-video-05.jpg

Таа прво била на рехабилитација и учела повторно да оди. Па откако почнала да се движи сама, Олександра почнала повторно да тренира и гимнастика.

Веста за нејзиното спектакуларно враќање ја пренесоа и украинските, но и неколку европски медиуми кои пишуваат дека малата украинска гимнастичарка е инспирација со која треба да се гордеат сите.

6-godishna-gimnasticharka-koja-ostana-bez-noga-vo-ruski-raketen-napad-povtorno-pochna-da-trenira-inspirativnata-prikazna-na-oleksandra-paskal-video-03.jpg

А. Ј. | Црнобело

Би можело да ве интересира:

Инспирација на денот: Од девојче родено без дланки и стапала до бодибилдерка (фото) „Како мала ја прашував мајка ми: ‘Чекај, каде се другите деца како мене, зошто с...
Жена со бизарна зависност од тетовирање не може да најде работа: „Правам по 3 тетоважи неделно, секо... Мелиса Слоан има 45 години и толку многу тетоважи, што не може ни да ги изброи. ...
Девојка (22) има целосно седа коса: „Се чувствувам помоќно откако престанав да се фарбам“ „Се срамев кога на 16 години кога се појавија првите седи влакна, а затоа што ро...

Најчитани неделава

sonovnik-sidebar.jpg