„Крадење“ на фотографии и лични податоци за различни цели – Мрачната страна на апликацијата FaceApp

Сигурно сте забележале дека овие денови социјалните мрежи се преплавени со фотографии обработени со апликацијата FaceApp. Имено, оваа апликација ви овозможува да видите како би изгледале кога ќе остарете.

Без сомнение апликацијата е навистина забавна и им овозможува на луѓето да видат како би можеле да изгледаат кога ќе остарат, а „предизвикот“ го прифатија дури и некои ѕвезди, но фановите не издржаа и ги „остареа“ сите омилени ликови од светот на славните. 

https://twitter.com/GordonRamsay/status/1151255774250688512/photo/1?ref_src=twsrc%5Etfw%7Ctwcamp%5Etweetembed%7Ctwterm%5E1151255774250688512&ref_url=https%3A%2F%2Fzimo.dnevnik.hr%2Fclanak%2Fkoristite-faceapp-upravo-ste-jeftino-prodali-sve-svoje-osobne-podatke-i-fotografije-rusima---568577.html

Сепак, не е сè така совршено и невино. Како и секоја приказна, и оваа си има две страни, па, на социјалните мрежи брзо се проширија гласини дека апликацијата е само трик на руските хакери со кој се обидуваат да дојдат до вашите лични податоци.

Проблемот е што секој којшто ќе ја инсталира апликацијата FaceApp, ѝ дава дозвола за „користење, репродукција, модифицирање, адаптирање, преведување и создавање други дела“ од вашите содржини.

Со други зборови, вие ѝ давате дозвола на апликација да ги користи вашите фотографии, име и презиме, корисничко име и сите останати податоци од вашиот уред.

Изгледа дека од ова не се поштедени ни корисниците кои ја имаат исклучено опцијата за пристап до фотографиите на нивниот телефон.

If you use #FaceApp you are giving them a license to use your photos, your name, your username, and your likeness for any purpose including commercial purposes (like on a billboard or internet ad) -- see their Terms: https://t.co/e0sTgzowoN pic.twitter.com/XzYxRdXZ9q

— Elizabeth Potts Weinstein (@ElizabethPW) July 17, 2019

Зад апликацијата која беше развиена во 2017-та година, стои руската компанија Wireless Lab и поранешниот инженер од Microsoft, Јарослав Гончаров.

Експертите веќе некое време предупредуваат дека апликацијата може да направи повеќе штета отколку корист. Но, и покрај ова, апликацијата сè уште има високи оценки на App Store и Google Play, како и многу задоволни корисници.

#Warning: Every few years, the #FaceApp comes around.

It's fun.
It draws a lot of people in.
But, it also captures your face along with some of your private data.
It doesn't tell us what it does with that data.

Be careful.

— scott budman (@scottbudman) July 17, 2019

Сепак, некои луѓе продолжуват да се сомневаат во забавниот карактер на апликацијата и се убедени дека сите необработени фотографии се зачувуваат на сервер без ваше одобрување.

Па, со оглед на тоа што сами даваме одобрување без да прочитаме што прифаќаме, не треба да се изненадите доколку еден ден го погледнете вашето лице на некој билборд во далечна земја.

Што мислите вие? Ќе продолжите ли да ја користите апликацијата или сепак сомнежот проработе и кај вас, па можеби во иднина ќе обрнете повеќе внимание на тоа какви апликации користите?

Спирова С. | Црнобело