Лавот ќе држи монолог со часови, а вие треба да сте трпеливи - Како да се смирите со знаците после кавга или раскинување?

Вага

Вагата е знак кој речиси по секоја цена одбегнува кавги и конфликти. Слично како и Близнаците, и Вагите се големи дипломати и умеат да ја разгледаат ситуацијата од различна перспектива. Доколку ги поканите на пијалак со задоволство ќе прифатат да разговарате за проблемот и евентуалното помирување. Тие ќе останат трезвени и достоинствени, никогаш нема да ги видите како викаат премногу гласно или прават несоодветна сцена во јавност.

Скорпија

Сакате невозможна мисија кога станува збор за смирување со некого? Скорпијата е тој „некого“. Тие се одмаздољубиви, живеат за да ви вратат „мило за драго“ и нема да се смират додека не го истераат своето. Она што може да ги поколеба се пари и секс. Да, навистина може да ги „купите“ со овие 2 работи. Дотогаш тие нема да престанат да ве тероризираат во секоја смисла на зборот. Ќе се смират со вас само доколку им (по)кажете дека се помоќни од вас, односно доминантни и дека длабоко се каете затоа што сте ги навредиле.

Стрелец

Можеби на прв поглед не изгледа така, но Стрелците обожаваат кавги и расправии. Тие се во состојба да го дискутираат проблемот со часови, да се вртат во круг, па на крајот нема ни да знаете како воопшто почнала кавгата. Кој е во право, а кој е виновникот, нема да го дознаете ниту ова. Затоа најдобро е да се оддалечите од Стрелецот во моментот кога ќе ја започне расправијата и да почекате подобри денови кога ќе комуницирате со него.

Јарец

Јарецот е навистина тежок знак кога се лути. Се оддалечува, станува студен и некомуникативен. Ќе се изненадите ли многу доколку слушнете дека обожаваат добар хумор и може да се обидете да ги насмеете за да ја ублажите напнатоста во ситуацијата? Доколку ги потсетите на некоја забавна случка од минатото тие ќе омекнат и ќе можете полесно да им пристапите.

Водолија

Водолијата по природа не е лутка. Лесно може да се смирите со неа доколку ја вовлечете во дискусија за филозофија, религија, нешто длабоко, наместо површни и плиткоумни теми на разговор. Ќе им го одвлечете вниманието од кавгата што и онака не сакаат да ја имаат. Водолијата смета дека има толку многу попаметни работи на кои може да ја троши енергијата, наместо на некоја бесмислена кавга, лутење и навреди.

Риби

Рибите се по малку нестабилни и не сакаат промени. Нивниот најголем страв е дека другата личност во кавгата толку многу ќе избувне, што ќе се изгуби шансата за мирен и цивилизиран дијалог. Бидејќи се несигурни во себе, бараат некој што ќе им го храни егото, ќе им повторува дека ги сака и дека на некој начин се во контрола на ситуацијата. Само вака ќе избегнете кавга од епски размери со многу солзи, плачење и себесожалување од страна на Рибите.

(О)Милена | Црнобело