„Брзај, брзај прваче...“ - Стихови и предмети што ќе ви разбудат носталгија за школските денови

„Брзај, брзај прваче кон школскиот двор, те чека учителка со мајчински збор...“ Колкумина од вас сѐ уште ги помнат стиховите од првата песничка од Букварот со коишто го започнале своето образование?

Први септември е ден кога голем број првачиња за првпат ќе застанат во училишните клупи, а јас како мајка на прваче признавам дека сум возбудена и уплашена.

Возбудена затоа што моето дете што ми се чини дека до вчера беше бебе, сега веќе отпочнува ново поглавје во својот живот, а уплашена затоа што знам дека тој нов период носи голем број предизвици.

Како ќе се снајде во новата средина? Ќе најде ли нови другарчиња? Ќе се навикне ли на наставата? Како јас како родител ќе одговорам на новите предизвици?

Тоа се прашања што секој родител, според мене си ги поставува и силно стискам палци и чекам да видам што ќе се случи.

Освен возбудата за новото и неизвесното, изминативе денови ми разбудија и доза носталгија, па се обидов да се присетам како изгледаше времето кога јас бев прваче.

„Шетајќи“ по различни Фејсбук страници и објави на социјалните мрежи се присетив на голем број предмети што беа дел од нашето секојдневие, а верувам и кај многумина од вас ќе разбудат убави спомени...

Од шарениот Буквар со песнички, задачи и текстови од кои научивме да пишуваме и да читаме, до наостреното стапче со кое ги покажувавме буквите...

Од тетратката за почетно пишување и добивањето пофалба за секоја успешно испишана страница до логичките плочки шарените боички со кои цртавме...

Во продолжение да се присетиме на предметите што будат доза носталгија кај сите оние што беа првачиња во минатото:

Буквар – 1996-та година

Песничката „Прваче“

Логички плочки

Тетратка за почетно пишување

Лектирата „Касни порасни“

Лектирата „Зоки Поки“

Боичките за цртање

Прочитајте и Носталгија по детството – 6 раскази од Толстој од лектирата за прво одделение

Б. С. Б. | Црнобело / фото: freepik.com / Facebook