Секој маж треба да се „разведе“ од својата мајката пред да се ожени...

Мажи, заборавете на изјавите „Иста си како мајка ми“, „Мајка ми знаеше подобро“, „Мајка ми никогаш не го правеше тоа“... Вашата сопруга не ви е мајка, па затоа, не ја споредувајте со неа.

Драги жени, ако мислевте дека вашиот маж е независен човек на кого не влијание неговата мајка - веројатно сте во голема заблуда.

Досега веројатно не сте забележале дека мажите наследуваат многу од своите мајки и тоа го покажуваат истражувањата. Оттука доаѓа и нивната поврзаност. Затоа се големи шансите дека во својот маж ќе го пронајдете сето она што го мразите кај неговата мајка.

Секако, неговата мајка секогаш треба да има посебно место во вашиот живот. Секоја жена треба да го почитува тоа, но не сите сме родени за да можеме да се сложуваме едни со други. Понекогаш луѓето не се согласуваат со сопствените родители, па зошто тогаш да мора да се сложуваат со туѓите?

Без разлика дали мажот се оженил во раната младост или на постара возраст, колку време и да поминал дома, живеејќи со родителите (поточно со мајка му), тој „попримил“ многу од неа. Таа е првата женска фигура во неговиот живот која ги претставува сите останати женски фигури и со која ќе ги споредува другите жени.

Ако неговата мајка ситничари за сè, тој ќе си помисли дека сите жени се такви. Ако мајка му често „му мрчи“ (за негово добро), тој ќе си помисли дека сите жени се родени само за да коментираат и критикуваат.

Според тоа како неговата мајка се однесувала кон него, каква слика си создал тој за жените во неговата глава, и како денес ги споредува мајка си и сопругата, во голема мера ќе се одрази на неговиот брак.

Мажите мора да сфатат дека сите жени се различни и треба да се „разведат“ од мајка си во моментот кога ќе решат да стапат во брак.

Мажи, заборавете на изјавите „Иста си како мајка ми“, „Мајка ми знаеше подобро“, „Мајка ми никогаш не го правеше тоа“, „Стануваш иста како мајка ми“.

Вашата сопруга не ви е мајка, па затоа, не ја споредувајте со неа.

Извор