Поучна приказна: Слепиот питач

Еден ден, еден слеп човек седел на скалите од една зграда со капа блиску до своите стопала и еден натпис на кој пишувало:

„Слеп сум, ве молам помогнете ми“

Еден случаен минувач, сосема случајно, експерт за реклами, застанал загледувајчи се во капата каде што имало само неколку метални парички.

Се наведнал за да му даде пари, а потоа без прашање за дозвола го зел картонот, го завртел и напишал нов натпис.

Во текот на попладнето случајниот минувач се вратил до слепиот човек и видел дека неговата капа овој пат била полна со повеќе монети и книжни пари.

Слепиот човек го препознал по чекорите и го прашал што напишал на другата страна од картонот.

Случајниот минувач му одговорил:

- Не напишав невистина – само ја напишав твојата порака на поинаков начин. Се насмеал и се изгубил во метежот.

И така слепиот човек не дознал дека на натписот имало едноставна порака:

- Денес е пролет....а јас не можам да ја видам.

Поука: Променете ја стратегијата кога ќе помислите дека сè околу вас оди наопаку и ќе видите дека порано, или подоцна ќе се сврти кон подобро.