Приказна: Сплавар vs професор

Си бил еднаш еден сплавар кој ги превезувал луѓето со сплав преку реката. Еден ден дошол и учителот, патем речено многу незгоден човек.

Кога поминувале преку широката река учителот го запрашал сплаварот:

- Беше ли така, ако било, дека си доживеал невреме додека си го возел сплавот?

- Не разбирам јас толку замрсени прашања, рекол сплаварот.

- Зарем никогаш не си одел во училиште?

- Не, одговорил сплаварот.

- Тогаш половина од својот живот си го потрошил попусто.

На тоа сплаварот премолчел.

За кусо време, наишло големо невреме. Почнале да паѓаат громови и дожд како од чешма, а сплавот се нишал на разбрануваната река како лушпа од орев.

Тогаш сплаварот го запрашал учителот:

- Дали некогаш си учел да пливаш?

- Не, одговорил учителот.

- Е па учителу, тогаш си го потрошил целиот свој живот залудно, ние сега тонеме.

Самите извлечете поука!