Три кралски животни прашања

Некогаш одамна, кралот трагал по животната филозофија. Трагал за мудроста, како правилно да ја воспостави во кралството и како да владее самиот со себеси. Постоеле религии и филозофии во тоа доба кои не ја задоволувале неговата жед за знаење. Тој ја барал својата сопствена филозофија за животот.

На крајот, сфатил дека му се потребни само три одговори, на три суштински прашања. Во нив се состоело сè она што со години го барал.

Прашањата гласеле:

1. Кога е најважното време?

2. Кој е најважен?

3. Што е најважно да направиш?

По долгото барање на одговорите, сретнал еден човек кој му ги дал точните одговори:

1. Најважното време е сега, овој момент, бидејќи тоа е единственото време кое го имаме. Сè што ви е важно, обидете се да го направите баш сега.

2. Најважна ви е онаа личност со која сте – вашиот партнер, вашата мајка, вашиот татко, брат, а на крајот и вие самите.

3. Да бидеш грижлив, односно внимателен и заинтересиран за она што се случува сега и со личностите кои ви значат.