Единствениот текст кој ви треба кога мислите дека не сте доволно храбри

Кога мислиме на храброст, често во главата ни се појавуваат слики на херои и хероини од големи битка, како скокаат во оган, го гледаат злото право во очи и го победуваат.

Вистина е дека тоа е еден вид на храброст, но не единствен - а можеби и не најсилен.

Храброст е кога се терате да продолжите понатаму иако сакате да се откажете. Тоа е спротивставување на авторитетот, дури и кога е посигурно да молчите.

Храброст е вербата дека ќе има подобро утре, дури и кога ви се чини дека сте опкружени со темнина.

Храброст е да издржите. Храброст е да се разбудите знаејќи дека ништо нема да ви биде подарено, напротив, ќе биде тешко и напорно, но сепак сакате да одите напред.

Храброст е да знаете дека можеби нешто нема да ви успее, дека можеби ќе боли, но сепак сакате да се обидете. И понатаму да се борите. Да останете на сопствените нозе.

Храброст е кога чувствувате депресија, болка, губење, но не се предавате. Тоа што се плашите не значи дека не сте храбри.

Храброст е да бидеш свесен дека животот не е совршен и можеби никогаш нема да биде, но и понатаму треба да го живееш.

Храброст е да сакаш некој, дури и неговите маани. Храброст е и да се сакаш себеси, со своите маани. И луѓето може да те изневерат, и ти самиот може да се изневериш, но храброст е да сакаш и покрај тоа. Да сакаш дури и кога чувствуваш како омразата ви дише во врат.

Храброста е еднаква со довербата. Доверба во време кога не си веруваме едни на други, време кога сите се лицемерни, кога љубовта се чини како нешто за што зборуваа само нашите баби и дедовци.

Храброст е оној бакнеж кој вели „сè ќе биде во ред“ и силната прегратка која порачува „тука сум за тебе.“

Моќта и силата не секогаш се храброст. Понекогаш најхрабрите потези се проследени со треперење.

Храброст е да ја подариш последната паричка од џебот, кога не знаеш на што ќе биде потрошена. Тоа е како кога ќе се препуштиш на некој, знаејќи дека може да те изневери, но сепак веруваш на добрината.

Понекогаш најхрабрата работа која можете да ја направите е да станете од креветот иако ве чека тежок ден. И да бидете подготвени истото да го направите и утре.

Не се прашувајте како да бидете храбри. Веќе сте.

М. Д. | Црнобело