„Да не е толкава мрза“ и уште 12 работи што Македонците би ги смениле кај партнерите

Да бидеме искрени, никој не е идеален, ни ние, ни партнерот што е покрај нас. Со некои работи што нè нервираат кај него или неа учиме да живееме, за други правиме компромис, но има и такви што ужасно ни одат на нерви, па сакаме да ги смениме. Сепак, што ве нервира најмногу кај партнерот?

Преку анкета на Инстаграм ги прашавме Македонците која карактерна особина или навика би смениле кај партнерот, бидејќи многу ги нервира.

Во продолжение прочитајте што ни одговорија:

1. Да биде помалку флегматичен, тоа што може да го завршиме денес да не го оставаме за утре.

2. Би сакала да можам да го направам поодговорен.

3. Не сакам што е толкава ‘педантерија“ – би сакала да ја смени таа карактеристика.

4. Навиката за доцнење!

5. Јас би го сменила партнерот.

6. Парфемот што го користи.

7. Да не анализира работи кои знае дека нема шанса да се случат.

8. Да не се потстрижува многу кратко.

9. Би сакал таа да не е толкава мрза.

10. Би ѝ ја сменил „главата“ (се мисли на мозокот).

11. Би сакала да си најде хоби.

12. Да биде одлучен што сака.

13. Да почне да пие кафе за да го сфати уживањето во ритуалот.

Но, има и такви што велат дека партнерот не треба да се менува.

„Не би менувал ништо, јас партнерката ја засакав со сите нејзини убавини и мани, толку!“

А. Ј. | Црнобело