Интересни изреки (3 дел)

Интересните изреки кои ни го разубавуваат денот се покажаа како неисцрпни. Секогаш се појавува нешто ново.

Ова е трето продолжение на интересните изреки на нашиот портал. Ви посакуваме убаво расположение и насмевка!

• Кој рано рани цел ден зева.

• Кога те гледам мислам новчаникот сум го заборавил дома.

• Слепа кучка брзи кучиња раѓа.

• Тебе сигурно те викаат сипаница, сите те прележале.

• Паметот да ти го имам, да одморам малце.

• Јак си како земја. Сите те газат.

• Кој рано рани или е пекар или е будала.

• Во лицето изгледаш како да не си стигнал да ја деактивираш бомбата

• Глупоста ако има нозе, ти би била стоногалка.

• Ау ама убави заби, што си пушел, петарди?

• Те молам носи некој беџ, да знам која ти е предната страна.

• Зошто би се изложувале на мамурлук. Останете пијани.

• Направи нешто за татковината - емигрирај.

• Секс е едниствената борба во која сите победуваат.

• Баш е добро што пивото не остава дамки од кафе.

• Ако пред спиење се избричиш со секира, ќе спиеш како заклан.

• Позајмувајте пари само од песимистите, тие не очекуваат дека ќе им ги вратите.

• Кој работи тој и греши, рече петелот и се симна од патката.

• Ако не одиш да купиш леб, или ќе ти го купат други, или трети.

• Весел моторциклист се познава по мушичките меѓу забите.

• Дојди кај мене, играме шах и мене ми фали еден коњ.

• Златната рипка ми исполни 2 желби. Третиот пат не можев.

• Врвна глупост е кога родениот татко ти објаснува дека си постанал од мајмун.