Поучна приказна: Тајната на вистинската среќа

Едно младо момче отишло на посета кај еден мудрец.

Стариот мудрец внимателно ги слушал причините за посетата на момчето, но му кажал дека нема време да му објасни која е тајната на среќата. Му предложил да се прошета низ палатата и да се врати за два часа.

„Но сакам да те замолам нешто“, кажал мудрецот и на момчето му дал мала лажичка во која ставил две капки масло.

„Додека се движиш, носи ја оваа лажичка, но внимавај маслото да не се истури“.

Момчето започнало да се качува и симнува по катовите во палатата, постојано внимавајќи на лажичката. Кога поминале два часа, мудрецот повторно се појавил.

„Како помина? Дали ги види персиските килими во мојата соба? Дали ја виде градината што најдобриот градинар ја одгледуваше 10 години? Дали забележа колку книги имам во мојата библиотека?“, го запрашал мудрецот.

Момчето засрамено признало дека не видело ништо. Единствената грижа му била да не ги истури двете капки масло.

„Тогаш врати се и запознај ја убавината на мојот свет. Не можеш да му веруваш некому чиј дом не го познаваш“, му кажал мудрецот.

Сега смирено момчето ја земало лажичката и повторно прошетало низ палатата. Овој пат ги видело сите уметнички дела на ѕидовите, планините во околината, нежното цвеќе во градината, луксузот и вкусот со кој е уредена целата палата. Кога се вратил мудрецот, момчето воодушевено му опишало сѐ.

„Но, каде се двете капки масло што ти ги доверив, прашал мудрецот. Погледнувајќи во лажичката, момчето сфатило дека ги истурило.

„Тоа е единствениот совет што можам да ти го дадам. Дека тајната на среќата е да ги гледаш сите благодати на светот, но никогаш да не заборавиш на двете капки во лажичката“, рекол мудрецот.

С. С. | Црнобело