Поучна приказна: Богатиот човек ја научил лекцијата на смртната постела
Еден богат човек бил на смртна постела. Ангелот на смртта дошол да го посети.
Човекот работел долго и напорно и стекнал огромно богатство. Живеел во луксуз и не му се верувало дека неговото време истекло.
Бидејќи бил многу богат одлучил да си купи уште малку време од ангелот на смртта. Се спогодувал долго, но ангелот не сакал ништо. Очајниот богаташ му дал предлог:
„Дај ми само уште еден час живот за да можам да ѝ се воодушевувам на убавината на оваа земја за последен пат и да минам време со своето семејство, кое долго не сум го видел, и ќе ти го дадам целото мое богатство.“
Но, ангелот повторно го одбил.
Човекот уште еднаш прашал дали може да добие барем една минута само да напише порака за збогум. Неговата желба била исполнета и тој напишал:
„Времето што ви е дадено минете го на вистинскиот начин. Со своето богатство не можев да купам ниту еден час време за да минам со своето семејство. Слушајте го своето срце и уверете се дека работите што ве опкружуваат ја имаат вистинската вредност. Негувајте го секој миг од своето време!“
С. С. | Црнобело
Би можело да ве интересира:
Препорачуваме
Најчитани неделава
