Има еден грст луѓе, кои богатство во себе носат – но ништо ако не умееш да го „земеш“

Некои луѓе во себе носат богатство, некои луѓе се малку поинакви од другите и токму тие луѓе имаат многу да ти дадат.... Но, треба да знаеш и умееш како да земеш.

Треба да знаеш да ги инспирираш и мотивираш за да ги запознаеш сите светови кои во нив се сокриени.

Треба да знаеш како да гребнеш под површината, што да направиш, што да кажеш, како да пристапиш.

Поинакви се тие, кај нив работите поинаку функционираат.

Некогаш ќе премолчат и што ги боли и што ги радува. Но, ти ќе треба да знаеш да ги прочиташ.

Светот може да ти го сервираат, само ако знаеш крилјата како да ги инспирираш да ги рашират.

И ако не знаеш, ништо... Сите нивни светови во главата изживеани за тебе нема да бидат пристапни.

Сите нивни мисли, зборови... со тебе ќе останат несподелени.

Не се тие обични.

За нив ти треба малку повеќе ум, малку повеќе промислување, малку поинаков пристап.

И комплексни се. И душата од убавини им се храни, и од пофалби, и од тоа кога се ценети, кога се наградени, кога се препознаени, кога се на пиедестал ставени.

Тие се неизбрусен дијамант и не секој може во „длабокото“ со нив.

Инспиративни се како размислуваат, како делуваат, колку се поинакви, какви се непредвидливи.

Но, не за секого.

Само за оние кои вистинска вредност можат да препознаат.

Другите на две очи, ширум отворени, слепи ќе останат.

И богатството што пред нив блеска, невидено ќе им остане.

Но, на крајот од денот нема ни да ги боли. Затоа што всушност не ни знаеле што имале, односно што можеле да имаат.

Онакво нешто кое еднаш се среќава, а за навек животот ти го менува.

Личност со искра во очите, кои тие за жал не успеале да ја распламтат и да го извадат максимумот од неа, не успеале во таа личност огнови да разгорат.

А имале шанса, не дека не...

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело / фото: depositphotos.com