Сакам жена со став, сè додека не ми оди контра


Сакам жена со став, сè додека не ми оди контра

На кратко се обидуваме да се убедиме дека живееме во едно нормално и модерно општеството во кое жените ги уживаат истите права како и мажите.

Sakam-zena-so-stav-se-dodeka-ne-mi-odi-kontra-01.jpg

Свет во кој ни е дозволено да сме еднакви, самостојни и слободни. Секој зрел и еманципиран маж ќе ви каже дека бара токму таква жена, силна, самоуверена и жена со став.

Ова секако важи само во теорија, бидејќи во пракса очигледно и не е баш најпријатно да си покрај некоја таква.

Кога веќе еднаш го кревате гласот и јасно и гласно искажувате личен став, вие сте одеднаш: хистерични, напорни, самобендисани, суетни, егоцентрични. Прилично тешки за поднесување. Не умеете да правите компромиси и да го смените ставот, иако знаете дека сте во право.

Сите навидум се во потрага по силните, самостојните и цврстите жени, но потајно не сакаат жена која ќе им контрира, ќе се спротивставува, ќе си го брани ставот.

Имам чувство дека мажите сакаат жени кои само трепкаат сонливо, се смешкаат милно, подголтнуваат кнедли и молчат или отворено им се воодушевуваат на знаењето и ги воздигнуваат мажите на пиедестал каде што ги изедначуваат со богови.

„Не знам тоа јас, Пеце мој знае најдобро. Да миличок, како што ќе кажеш ти. Ти имаш искуство, не ти се мешам“.

За мир во куќата… кој мир во куќата? За мир во куќата мора да се молчи, за егото на Пеце да не спласне како тесто со бајат квасец, да не се почувствува навреденo, омаловажено или помалку паметен и способен.

Да газиме како на јајца, битно Пецевците на светот да не се почувствуваат како да ја губат доминацијата. Затоа што грев е да си подобра, поспособна, поостроумна - ЖЕНА!

Ги сакам мажите, ги почитувам, особено оние кои ја нудат истата почит и љубов кон нас како спротивен пол. Различни сме, но ниту одблиску не можете да жонглирате со толку обврски како нас жените.

Да сте еден ден во нашата кожа ќе се мрднете од паметот. Да ви прелетуваат стотици мисли низ главата и плански да ги подредувате како да стигнете да направите сè, додека вие полека и опуштено уште сте на првиот (и веројатно единствениот) план во денот.

Бидејќи вистината е, особено во Македонија, дека жената е движечката сила зад сè што се случува. Таа е онаа која неуморно бутка, ги движи работите, ги собира сите, ги смирува сите. Ги мисли сите, планира сè, неуморно, истрајно, од утрото до мракот.

Да не се жените ќе испогинете од смрдливи чорапи, ќе поцркате од глад третиот ден. Да не е жената, ќе се распадне сè, многу лесно, многу брзо.

Па покажете малку почит. Не очекувајте да ви трепкаме, да ви се поклонуваме, да се смешкаме и да си го чуваме мислењето за себе. Особено кога знаете дека сме во право.

(О)Милена | Црнобело

Би можело да ве интересира:

„Жена каква што ветувам дека ќе бидам...“ - писмо на жената која живее... Јас не сум тип на жена која шета наоколу и бара љубов. Јас не сум жена која се п...
Зет ми е меден, снаа ми е змија! Да знаете каков зет си имам. Зет–како мед! Ќерка ми сака подолго да си поспие на...
Ми вели „Кажи ми искрено“, ѝ кажав и сега не ми зборува веќе 3 години Ме гушеше со прашањата: „Нели сум во право, нели и ти би го сторила тоа, нели е ...