Доза носталгија од детството: Пат и Мат слават 45 години од првото појавување на телевизија

„Пат и Мат“ е чехословачка анимирана серија креирана од Љубомир Бенеж и Владимир Јиранек за Чехословачката телевизија (подоцна Чешката телевизија). Ликовите првпат се појавиле на ТВ во краткиот цртан Kuťáci (Изумители) во 1976 година.

Главните ликови во серијата се двајцата мајстори, Пат и Мат, кои се инвентивни, но крајно несмасни.

Заклучно со 2020 година, објавени се вкупно 129 епизоди од шоуто. Оригиналното име на серијата било токму тоа – Kuťáci (Изумители), а потоа се сменило во „А је то“ (или Тоа е тоа).

Самите ликови биле безимени сè до 1989 година, кога им биле дадени имињата Пат и Мат.

Пат и Мат се скратени форми на чешките изрази Patlal and Matlal, кои грубо може да се преведат како несмасен и незгоден.

Неколку епизоди на Пат и Мат добија награди на меѓународни фестивали за анимација.

Она што најмногу ѝ се допаѓало на публиката покрај хуморот во анимираната серија бил и недостатокот на дијалог што ја направил интересна и достапна во многу различни земји во светот.

(О)Милена | Црнобело