За пријателите на кои не им е важно какво ти е дома, туку дали имате вино и мезе

За луѓето што доаѓаат да ве видат, да поминат забавно време време со вас, да поделите вино и мезе, да се насмеете и да се забавувате, а на кои не им е грижа дали завесите ти мирисаат чисто, дали куќата е расфрлана со играчки, дали садовите ви се измиени.

Со карантинот од минатата година сите сфативме колку е тешко да се биде оддалечен од најблиските, но и од пријателите.

Колку е тешко да не можеш да ги видиш саканите луѓе, а премногу сакаш. Ни недостасуваа дружењата, седенките и вечерите поминати со добро вино, мезе и музика.

Сите ние имаме блиски пријатели со кои сакаме да го поминеме слободното време и со кои секогаш се чувствуваме добро.

Настрана излегувањата на кафе и дружењата, некогаш имаме потреба да поседиме во домашна атмосфера со пријателите, да отвориме шише вино и да се опуштиме и да се ослободиме, без да размислуваме премногу кога ќе си одиме дома.

Сакаме да се потсетиме на бројните моменти од минатото, да се насмееме на некои минати искуства, а и да креираме нови спомени на кои во иднина повторно ќе се смееме.

Добрите пријатели не доаѓаат дома за да видат дали ви се измиени садовите, дали ви е избришана прашината и дали ви е расфрлано – доаѓаат да ве видат и да ја поминете вечерта во добра атмосфера.

Доаѓаат кога знаат дека ви се потребни и дека ви е потребно некој да ви го поткрене расположението.

Кога ќе ви кажат дека доаѓаат, свесни сте дека не треба да брзате и да се подготвувате со часови, ниту пак дека ќе ви замерат ако не ви е сè во најдобар ред.

Знаете дека нема да ви проверат дали ладилникот ви е организиран, дали во фиоките имате хаос и дали завесите ви се чисти и испрани.

Пред нив немате потреба да се опседнувате премногу ниту со сопствениот изглед и облека. Кај вас се за да ве сослушаат, да ве разберат и да не ве осудуваат.

Ве сакаат такви какви што сте, а живеат за миговите кога ќе може да се договорите каде да се најдете: кај вас или кај нив.

Во вашиот дом се чувствуваат како „дома“. Не очекуваат да им бидете слуга и да ги гостите, туку со нив навистина можете да се опуштите и да се одморите, а заедно ќе се договорите што да нарачате за мезе.

Наздравете со таквите пријатели и опуштете се. Искористете го секој миг да уживате во заедничкото дружење.

Тагнете ги во порака за да знаат дека мислите на нив.

Б. С. Б. | Црнобело