За 2 седи влакна во косата на жената - паника, за пивскиот стомак на мажот - нема гајле!

Изгледот на жената како секогаш да е под лупа...

Качила три килограми.

Преслаба е, коските ѝ се гледаат.

Леле, колку ѝ е неуредна фризурата.

Види ја не се офарбала, ѝ се гледаат седите влакна.

Ноктите не ѝ се средени, ѝ се излупил лакот на врвовите.

Чевлите ѝ се демоде.

Брчки има на лицето.

Не се нашминкала добро.

Премногу се нашминкала.

Се „наполнила со ботокс“, како восочна фигура.

Изгледа како баба.

Не изгледа како порано.

Да, така е. Жената живее, а животот се исцртува на нејзиното лице и тело.

Има некоја брчка плус, некој килограм плус и по некое седо влакно.

И тоа е сосема во ред.

Некогаш наоѓа време за вежбање, грижа и нега на себе, но понекогаш едноставно во трката со завршување на сите домашни и работни обврски не успева.

И тоа е сосема во ред.

Но, зошто секогаш, апсолутно секогаш, жената е таа што е на тапет?

Зошто некогаш не прокоментираме дека мажoт:

Пуштил пивски стомак.

Му паднала косата.

Има брчки.

Неуредна му е брадата.

Неисечени му се ноктите.

Престарен е.

Не изгледа како порано.

Зошто?

Содржината и ставовите изразени во авторските текстови и колумни претставуваат лични ставови на авторот и не мора нужно да ги одразуваат ставовите на редакцијата на порталот CRNOBELO.com

© CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело