Писмо до моето прво дете: „Преку ноќ стана голема девојка, но за мене секогаш ќе бидеш моето бебе“

„Колку и да пораснеш знам дека никогаш, ама никогаш нема да бидеш премногу голема за да бидеш мое бебе“ – мајка упати емотивно писмо до своето првородено дете во кое голем мајки ќе се пронајдат. Веруваме дека на многу од вас им се познати овие емоции.

Со доаѓањето на новото дете, кај мајките секогаш постои страв како тоа ќе се одрази врз чувствата на нивните први деца. Една мајка сподели емотивно писмо до своето прво дете, што ќе ве насолзи и многу мајки ќе се пронајдат во него.

Проследете го во целост:

Ти беше нашето прво дете.

Нашето единче.

А потоа преку ноќ, веќе не беше единче.
Преку ноќ стана голема. Многу голема!

Бев збунета.
Затоа што сите ми велеа, а јас не им верував.
Ми рекоа дека наеднаш ќе станеш огромна.
Дека можеби чудно ќе те држам, заборавајќи дека твојот врат веќе може да го држи твоето паметно главче.

Дека ќе бидам изненадена што сѐ можеш и знаеш да направиш.

Но, заборавија да ми кажат... Заборавија за ми кажат дека ти секогаш ќе бидеш мое бебе.
Да, иако изгледаш толку големо, но всушност ти и понатаму си многу малечка.

Заборавија да ми кажат дека, иако во еден луд ден одеднаш ќе станеш многу повозрасна, сепак не си сосема подготвена на сѐ што се очекува од тебе.

Не ми рекоа дека другото бебе нема да направи помалку да ти требам.

Дека сега ќе ме бараш уште повеќе.

А јас ќе бидам тука. Ќе те држам до срцето, ќе го помнам секој миг. Ќе ги бакнувам твоите нежни образи и ќе му бидам благодарна на Бог, на судбината, на небесата, на сите – што те имам.

Баш тебе, ти ќе бидеш засекогаш – мое прво дете.
Знам дека никогаш, ама никогаш нема да бидеш премногу голема за да бидеш мое бебе.

Извор