Сурово е да си домаќинка - се грижиш за сите, а за возврат (не) добиваш ниту „благодарам“

Ретки се оние кои ја препознаваат тежината на улогата на домаќинките во домот, а уште поретки мажите и децата кои ќе и кажат: „Ти благодарам за сѐ што правиш“.

Сите сакаме убава средена и негувана жена што кога ќе ја сретнеш на улица си помислуваш – „Ех каде има време волку да се стокми?“ Да, тоа е истата жена што е дома домаќинка. Што ја носи најнеблагодарната работа и улога што постои.

Каде што кога мириса домот на манџа, сите ја критикуваат.

Онаа што пегла алишта до ниедно време.

Онаа што е критикувана зошто пушта машини во текот на ноќта, кога е евтина струјата.

Жената што кога ќе реши да оди да пазари, не заборава да понесе економични ќеси, но и да стави црвен кармин, зошто на крајот на денот - сепак е дама.

Ретки се оние кои ја препознаваат тежината на оваа улога, а уште поретки мажите и децата кои ќе и кажат: „Ти благодарам за се што правиш“.

Сурово, зар не?

Да стоиш над шпорет пола ден, за ручек што ќе се изеде за 15 минути.

За секоја желба за храна, и веднаш испорака.

За секојдневното одржување на домот, џогирање и бришење прашина од сите површини – за овој дом да мириса чисто и свежо.

Улогата на домаќинка е 24/7, да смисли што треба да се јаде 365 дена во годината. Да испазари, исчисти, испере и испегла.

Да бидат сите средени, среќни и задоволни.

Да уреди дом за празник, да приготви празнична трпеза, да раскрене несредени садови.

За на крајот истата таа жена, да излезе надвор и да се трансформира во дама, со средени нокти и коса, небаре ништо не прави. А прави сѐ.

Бидете благодарни на жените-домаќинки во вашиот живот.

Тие се оние кои прават се за само едно – ТИ БЛАГОДАРАМ. 

Содржината и ставовите изразени во авторските текстови и колумни претставуваат лични ставови на авторот и не мора нужно да ги одразуваат ставовите на редакцијата на порталот CRNOBELO.com

©CRNOBELO.com Забрането преземање и копирање. Крадењето на авторски текстови е казниво со закон.

М. У. Т. | Црнобело

фото: freepik.com