Поранешна девојка го тужеше за 40 милиони долари, пеел во црковен хор - Што знаеме за Бед Бани?

Бидејќи прекарот го следи цел живот, Бенито решил да го користи и како сценско име.

Неговите рани видеа имаат стотици милиони прегледи, додека соработките со ѕвезди како Ники Минаж, Дрејк, Енрике Иглесијас и Џенифер Лопез дополнително го зајакнаа неговото место на светската сцена.

Песната I Like It, која ја сними со Карди Би, пак, се искачи на врвот на Billboard Hot 100.

Освен во музиката, Бед Бани остава силен белег и во светот на модата.

Тој е препознатлив по тоа што комбинира машки и женски стил во облеката, носи здолништа, фустани, впечатливи бои и необични кроеви.

Потврда за статусот на модна икона доби и во 2024 година, кога беше ко-водител на Мет Гала, заедно со Џенифер Лопез, Зендеја, Крис Хемсворт и Ана Винтур.

Сака и маникир и често има интересно украсени долги нокти.

Во 2018 година јавно испрати критика кон салон во Шпанија кој одбил да му пружи услуга затоа што е маж.

Ова доведе до хомофобични коментари и прашања поврзани со неговата сексуалност, особено што е познат по својата поддршка на ЛГБТ заедницата.

Тој, пак, пред неколку години изјави дека е „сексуално флуиден“ и хетеросексуален.

„Сакам жени, но не знам дали за 20 години од сега ќе ми се допадне некој маж“, изјавил тој.

Иако е многу активен на социјалните мрежи и папараците постојано го следат, музичарот успева да ја чува својата приватност од медиумите.

Сепак, се знае дека бил 5 години во врска со Карлиз де ла Круз, која го тужеше во 2023 година дека го користел нејзиниот глас во песните Pa Ti и Dos Mil 16, и тоа стихот Bad Bunny, babe, кој таа го снимила во 2015 година, додека сè уште беа во врска.

Таа му барала 40 милиони долари, откако одбила 2.000 долари колку што ѝ понудил тој. Иако медиумите пишуваа дека Карлиз победила на суд, таа демантираше.

Познато е дека бил во петгодишна врска со Габриела Берлингери, дизајнерка на накит која ја запознал во ресторан за време на семејна вечера по еден свој концерт во 2017 година. Раскинале во 2022 година.

Следната година ја запознал манекенката Кендал Џенер, со која се појави ви кампања на Gucci. Иако беа во врска една година, многумина веруваа дека романсата е маркетиншки трик, бидејќи тој слабо зборува англиски, а Кендал не зборува шпански.

А. Ј. | Црнобело