Ајнштајн: Само животот кој се живее за другите е вреден за живеење

Тој не е само генијален научник, туку и филозоф чиј ум го окупирале разни теми, од психологија до смислата на животот, љубовта и војната. Покрај тоа што бил генијален научник и добитник на Нобеловата награда, често бил срамежлив и повлечен, но полн со мудри мисли за животот.

Ова се само дел од неговите мудрости:

За смислата на животот:

„Само животот кој се живее за другите е вреден за живеење“.

За мирот:

„Мирот не може да се одржи со сила. Тој може да се постигне само со разбирање“.

За релативноста:

„Стави ја раката на загреана рингла 1 минута и ќе ти се чини како да ја држиш еден час. Помини еден час со убава девојка и ќе ти се чини како да си бил со неа само една минута. Тоа е релативност“.

За предрасудите:

„Потешко е да ги разбиете предрасудите, отколку атомот“.

За животот:

„Животот е како возење велосипед. За да го одржите балансот мора постојано да се движите“.

За лудоста:

„Лудост е да правите исто нешто повеќе пати, а да очекувате различен резултат“.

За љубовта:

„Гравитацијата не е виновна што луѓето паѓаат на љубовта“.

За генијалците:

„Немам некој посебен талент. Само сум многу љубопитен. Важно е никогаш да не престанувате да поставувате прашања“.

За злото:

„Светот е опасно место. Но, не поради лошите и опасни луѓе, туку поради луѓето кои не прават ништо за да го променат тоа“.