10-те земји кои најмногу се грижат за своите жители

Во поголемиот дел од земјите во светот реалноста се сведува на работата, но постојат и такви земји кои на малку поинаков начин се грижат за своите граѓани.

Така на пример, во Франција постои нов закон кој им дава право на работниците да игнорираат и-мејл после 6 часот, а во Шведска се испробува 6-часовниот работен ден.

Франција и Шведска не се единствените примери:

Холандија

Во Холандија можете да земете и до две години болничко отсуство, а да добивате 70% од платата.

Литванија

Вработените тука законски мораат да имаат минимум 28 платени денови за одмор. Шведска, Франција и Данска не се далеку - тука имаат право на минимум 25 денови за одмор.

Британија

Во Велика Британија новопечените мајки можат да земат 52 слободни недели, а да добиваат плата за 39 од нив.

Бутан

Оваа малечка нација сместена помеѓу Кина и Индија официјално води сметка за среќата на своите граѓани. Општиот национален индекс на среќа е прашалник кој секоја година го добиваат, а на него можете да сретнете прашања како: „Колку им верувате на соседите?“, „Дали лажењето е оправдано?“, „Дали се чувствувате како странец во сопственото семејство“...

Исланд

Некои земји им нудат и на новопечените татковци да земат слободни денови за да поминат време со своите новороденчиња. Во Исланд можат да земат дури 120 денови со 80% од платата.

Шведска

Затворите во Шведска се наменети да ги рехабилитираат криминалците, а заради тоа, процентот на затвореници кои се враќаат назад во затворите е намален за 40%.

Шпанија

Шпанците имаат најмногу државни празници во Европа - 14 поточно.

Данска

Лицата кои се отпуштени во Данска продолжуваат да земаат до 90% од платата која претходно ја имале, во наредните 104 недели.

Финска

Во Финска новопечеинте родители имаат голем број на бенефиции - заедно можат да земат 158 слободни денови, добиваат кутија со основни работи за грижа околу бебето, скратено работно време додека детето не наполни 2 години и бесплатен дневен центар за грижа на децата.

Канада

Канада е меѓу најсреќните земји во светот затоа што е во првите 10 земји во кои граѓаните имаат прилично големи приходи (дури и откако ќе се платат даноците), а се меѓу последните 10 земји во кои граѓаните работат прекувремено.

Н. Г. | Црнобело