Цитати за животот од луѓето кои го промениле светот

Мудроста на човештвото отсекогаш ги надминувала и најтешките препреки на времето и се пренесувала од една генерација на друга.

Животот, како една бескрајна патека, со себе нуди најразлични позитивни и негативни ситуации, во кои од човекот зависи дали од секоја од нив ќе излезе како победник или губитник.

Цитатите кои подолу следат се од луѓе кои живееле во сосема различни времиња и се занимавале со сосема различни професии.

Сепак она што е заедничко за сите нив е дека биле извонредно успешни во своите области, токму заради тоа што решиле дека упорноста и волјата се клучот за остварување на соништата.

1. „Човек кој никогаш не направил грешка, никогаш не се обидел да направи ништо.“ – Алберт Ајнштајн

2. „Ништо не е невозможно, самиот збор во себе го содржи зборот возможно.“ – Одри Хепберн

3. „Вашето време е ограничено, затоа не трошете го живеејќи нечиј друг живот.“ – Стив Џобс

4. „Најдобриот начин да ја предвидите сопствената иднина е вие да бидете нејзин креатор“ – Абрахам Линколн

5. „Не бројте ги деновите, создадете денови кои ќе се бројат.“ – Мухамед Али

6. „Прво, РАЗМИСЛЕТЕ.Второ, ВЕРУВАЈТЕ. Трето, СОНУВАЈТЕ. И на крајот, ОСМЕЛЕТЕ СЕ.“ – Волт Дизни

7. „Грешките секогаш можат да бидат простени, само доколку имате храброст да ги признаете.“ – Брус Ли

8. „Убаво е да се прослави успехот, но уште поважно е да се научи лекцијата од неуспехот.“ – Бил Гејтс

9. „Искреноста е многу скап подарок, затоа не ја очекувајте од евтини луѓе.“ – Ворен Бафет

10. „Научив дека луѓето ќе заборават што сте кажале, што сте направиле, но никогаш нема да заборават како сте направиле да се чувствуваат.“ – Маја Ангелоу

11. „Нема да бидете губитник сè додека се обидувате.“ – Мајк Дитка

12. „Неуспехот ги поразува губитниците, но ги инспирира победниците.“ – Роберт Т. Кијосаки

13. „Не можат сите од нас да прават големи работи. Но, секој од нас може да прави мали работи со многу љубов.“ – Мајка Тереза

14. „Една машина може да ја работи работата на пет  луѓе. Но, ниту една машина не може да ја работи работата на еден исклучителен човек.“ – Алберт Хјубард

16. „Задоволството од работата создава совршенство во работата.“ – Аристотел

М. С. | Црнобело