Мали работи кои значајно ќе го подобрат вашиот живот

Брзајќи да ги исполниме сите обврски кои ги имаме за дадениот ден честопати забораваме на самите себе и обврската да си посветиме внимание на себеси.

Брзото темпо едноставно како да нè направи зависници од технологијата, па дури ни семејниот ручек не може да помине без брзо проверување на телефонот, како да постои нешто кое навистина не може да почека половина час.

На крајот од денот уморни легнуваме во креветот ветувајќи си дека утре ќе најдеме време да се јавиме на баба/дедо, конечно да седнеме на кафе со пријателката со која се договараме со недели... за на крај и следниот ден да биде потполно ист со денешниот.

Луѓето велат дека и најдалечното патување започнува со само еден мал обичен чекор, а токму затоа ако сакате да го промените вашиот живот, следните 10 мали работи се одличен начин од каде да почнете.

1. Испланирајте го денот наутро.

2. Уживајте во појадокот без постојано да го проверувате вашиот телефон.

3. Насмевнете се кога ќе застанете пред огледалото.

4. Одвојте барем 15 минути во денот за да прочитате некоја книга.

5. Одвојте 10 минути за медитација.

6. Разговарајте со некој член на семејството или пријател за проблемот кој ве мачи веќе подолго време.

7. Направете една интересна фотка за нешто што ви го привлекло вниманието тој ден.

8. Напишете ги на лист хартија работите кои ве прават среќни.

9. Напишете ги на друг лист работите кои ве прават несреќни и размислете зошто е тоа така и како можете да ги промените.

10. Гушнете силно некој ви значи многу без посебна причина.

М. С. | Црнобело