Биле пример за лична хигиена, жените биле влијателни: Факти за Викинзите

Една од најинтересните серии во моментов, која сите со нетрпение ја очекуваме (а не е „Игра на тронови“), е секако хит серијата „Викинзи“.

За оние кои не ја гледале, серијата го прикажува животот на викинзите, и нивните походи.

Вистинските љубители на историјата сигурно забележале дека во серијата некои настани се изменети и различни од историските учења.

Викинзите и Колумбо – Колумбо сепак не бил првиот Европеец кој ја открил Америка. Тоа го направил исландскиот викинг Лиф Ериксон уште во 11-тиот век (цели пет века пред Колумбо), кога стигнал на брегот на канадскиот остров Њуфаундленд. Областа која викинзите ја истражиле и населиле во Северна Америка, ја нарекле Винланд.

Митот за шлемовите со рогови – Викинзите всушност не носеле шлемови со рогови. Овој доказ го покажува единствениот автентичен ископан шлем. Роговите се појавиле како идеа од страна на сликарите во 19-тиот век, и се најверојатно инспирирани од нордиските и германските свештеници, кои долго време пред викинзите носеле такви шлемови, но само за време на одредени ритуали.

Викинзите биле пример за лична хигиена – Иако во филмовите и сериите за нив, често ги гледаме покриени во крв и со мрсни коси и валкани алишта, викинзите воопшто не биле такви. Археолошките пронајдоци покажуваат дека за разлика од своите европски современици, викинзите користеле скубалки, бричеви, чешли и слични работи направени од животински коски и рогови.

Викинзите ги закопувале мртвите во бродови – Секако станува збор само за викинзите кои достигнале одредена висина на општествено ниво, како кралеви, јарлови и големи војсководци. Овие луѓе биле закопувани во бродови заедно со различни предмети за домаќинство, оружја, а понекогаш и робови, кои би им биле корисни во Валхала.

Жените викинзи биле еднакви – Жените викинзи, и жените на викинзите биле далеку попочитувани од нивните современички. Жената во ова општество можела да наследува имот, да побара развод, да владее со територија, сè додека не е робинка.

Мнозинството викинзи биле земјоделци – Да, ова е помалку очекувано, и помалку забавно од генералната претстава за нив, меѓутоа само одреден дел од нив биле војсководци со постојано работно време, а останатите биле вешти земјоделци.

Викинзите и скијањето – Голем дел од викинзите користеле скии за да стигнат од едно до друго место. Викинзите ги откриле скиите уште пред околу 6000 години, а можно е пред нив тоа да го направиле древните Руси. Во нордиската митологија постои и бог на скијањето, кој е наречен Улр.

Логото на „блутут“ - Логото на „блутут“ е всушност спој на иницијалите на викиншкиот крал Харалд Блутут, напишани со знаци од рунската азбука. Харалд своевремено бил владетел на Данска и Норвешка. Тој е познат по тоа што ги обединил сите дански племиња во кралство. Инспирацијата за името „блутут“ е добиена токму поради тоа што „обединува луѓе“.

Лувр – Денес светски познатиот музеј Лувр, бил всушност изграден во 12-тиот век со цел да служи како тврдина за да го заштити Париз од викинзите. Во 16-тиот век станува палата, за потоа во 18-тиот век да стане музеј.

Викинзите и мачињата – Викинзите давале мали мачиња како свадбен подарок за невестата. Мачките во тоа време се сметале за важен дел од секој дом, и се тесно поврзани со божицата Фреја, за која се вели дека возела кола влечена од група мачки. Иако, станува збор за шумски мачки кои се драстично поголеми и поразвиени од мачките кои ги знаеме денес.

Викинзите и поезијата – Поезијата се сметала за дар од Один.

Ескимите и викинзите – Викинзите го откриле и населиле јужниот дел од Гренланд векови пред да дојдат ескимите.

Викинзите никогаш не биле едно – Викинзите биле всушност група племиња кои војувале меѓусебно, се случувало некогаш да се сплотат, меѓутоа тоа било само за да победат некој заеднички непријател. Најпознати се норвешките, данските и шведските викинзи, меѓутоа викиншки племиња имало и во Естонија, Русија, Украина, Германија и Летонија. (Исланд и Гренланд биле колонии).

еНВи | Црнобело