Интересни факти за најкраткиот ден во годината


Интересни факти за најкраткиот ден во годината

Годинава на 21 декември го имаме најкраткиот ден во 2018-та, по што после него денот ќе почне да расте, а ноќта да се намалува.

interesni-fakti-za-najkratkiot-den-vo-godinata-001.jpg

Што го прави овој ден посебен?

Датумот

Датумот варира меѓу 20 и 23 декември, а 21 и 22 се најчести денови во кои се паѓа најкраткиот ден во годината.

Причина за ова е таканаречената тропска година, односно времето потребно за сонцето да се врати до истата точка од каде „тргнало“ лани. Според калкулациите, следен најкраток ден што ќе се случи на 20 декември е во 2080-та, додека на 23 декември ќе се случи во 2303-та.

Се работи само за краток момент

Појавата сонцестој или солстициј во зима се вика краткоденица и се случува во еден точен момент, кога Северниот пол е најдалеку од Сонцето. Во 2017-та ова се случило во 16:28 часот по координирано универзално време.

Во северната хемисфера тогаш денот е најкраток, а ноќта најдолга

Оваа појава уште се нарекува и зимски екстрем. Во Њујорк имаат 9 часови и 15 минути ден, во Хелсинки 5 часови и 49 минути, а во Бароу на Алјаска сонцето воопшто нема да изгрее. Ситуацијата ќе биде обратна на јужната хемисфера.

Античките култури сонцестојот го гледале како време на смрт и ново раѓање

Старите култури и племиња имале одредена стравопочит кон овој ден. Според нивните верувања, на овој ден умирало старото сонце и се раѓало новото.

Стонухенџ е подреден според зимскиот сонцестој

Познатиот мистериозен споменик е подреден според зимскиот сонцестој. Постојат теории дека луѓето кои доаѓале на ова место биле религиски посветени на сонцето и неговото изгревање.

На овој ден се шетаат лоши и мрачни сили

Некои традиции сè уште веруваат дека за време на најкраткиот ден, по Земјата шетаат духови и мрачни сили. Постојат и такви кои остануваат будни цела ноќ, си одат на гости и прават гозби и прослави.

Е. Д. | Црнобело

Би можело да ве интересира:

Чуден однос со Мајкл Џексон, дрога: 10 мрачни факти за животот на Меко... Татко му го злоупотребувал психички и физички, чувствувал огромен притисок како ...
Мајка ѝ е коцкар, татко ѝ е скиентолог: 12 мрачни тајни за животот на ... Секоја седмица на своето момче Каспер Смарт му давала по 10.000 долари за тој да...
20 реченици кои ќе ве мотивираат да бидете подобар и посреќен човек Колку време од денот посветувате на себе? Колку минути поминувате размислувајќи ...