Решителна и силна: 10 цитати на Маја Анџелоу кои ја враќаат верата во подобро утре

Животната приказна на почитуваната американска писателка и активист е вистински доказ дека со многу храброст и вера во подобро утре можеме да ги совладаме дури и најголемите проблеми во животот. 

Родена е на 4 април 1928 година во Сент Луис како Маргерит Ени Џонсон, а нејзиното детство било одбележано со бројни трауми. Има објавено седум автобиографии, а пишувала и поезија, драма и сценарија за филмови и серии.

Покрај актерството и режијата Анџелоу станала првата афроамериканска режисерка која режирала филм за голема компанија („Down In The Delta“ 1998). Делата на оваа голема жена, која починала во 2014 година, се извор на мудрост.

Ова се најубавите цитати на Маја Анџелоу кои ќе ви ја вратат верата во подобро утре.

„Ако не сум добра за себе како можам да очекувам другите да бидат добри за мене?“

„Не верувам на никој што не се смее.“

„Обидете се да бидете виножито во нечиј облак.“

„Љубовта не ги познава бариерите. Таа ги прескокнува пречките и оградите, поминува низ ѕидовите за да стигне до нејзината дестинација полна со надежи.“

„Ако во себе имате само една насмевка дајте им ја на луѓето што ги сакате.“

„Омразата има предизвикано многу проблеми, но сè уште не решила ниту еден проблем.“

„Имајте доволно храброст уште еднаш да верувате во љубовта.“

„Во сите нас живее копнеж за домот, безбедно место на кое можеме да дојдеме онакви какви сме, каде нема да не преиспитуваат.“

„Оној кој ве гледа како опција никогаш не треба да ви биде приоритет.“

„Ако нешто не ви се допаѓа, променете го. Ако е ова невозможно применете го вашиот став кон тоа.“

Ашера | Црнобело