Бил 5 години во брак: Факти за Ден Хортон, новото момче на Лејди Гага

37-годишниот сексапилен Ден Хортон го освои срцето на Гага, но кој е всушност тој?

Откако Лејди Гага беше фотографирана како се бакнува со инженерот за звук Ден Хортон медиумите се преплавени со информации за нејзиното ново момче.

Нејзината нова романса доаѓа 6 месеци по раскинувањето на свршувачката со Кристијан Карино, со кого Гага имаше 2-годишна љубовна романса.

Кој е Ден Хортон?

Ден има 37 години и се знае со Гага од ноември 2018 година, тогаш ја добил задачата да биде нејзин инженер за звук.

Извор близок до парот вели: „Ден е навистина фин и таа сака да минува време со него и надвор од домот и студиото, навистина им е комфорно заедно.“

Тој не е нов во Холивуд, уште од 2010 година соработува со ѕвезди како Бруно Марс, Џастин Тимберлејк, Тејлор Свифт и Џеј Зи, а 3 години работел и на шоуто „The Tonight Show“ на Џими Фалон.

 

Покрај тоа што работи за ѕвездите, тој од 2000 година има и своја компанија „Audio Engineering Consulting Group“.

Не сака предолго да се задржува на едно место, сака да биде во движење, а најмногу е на релација Лос Анџелес, Лас Вегас и Нешвил.

Има брак зад себе, во 2013 се оженил за пејачката и актерка Отом Газарди, но не е јасно зошто се разделиле. Разводот дошол по 5 години брак, немаат деца.

С. С. | Црнобело