Земја на автомати и „распеани“ тоалети: Чудни и необични факти за Јапонија

Кога ќе отидете во Јапонија, ќе бидете воодушевени од дружељубивоста на тамошните жители, светлата во Токио и обединетоста на народот.

Бидејќи Јапонија е како држава од друга планета, сигурно ќе ве интересираат овие интересни факти за неа.

Автомати

Во просек, за секоја личност во Јапонија има по 23 автомати. Овде можете да купите речиси сè од автомат – салата, долна облека, пица, па дури и јајца.

Автоматите се важен дел од културата на Јапонците, па се наоѓаат на секој чекор.

Коцкањето е нелегално

Во Јапонија нема да најдете место за обложување, но сепак постои игра која некако ја избегнала оваа забрана. Pachinko е популарна јапонска игра за којашто треба да купите мали метални топчиња кои се ставаат во слот машина.

Топчињата што ќе победат можат да бидат заменети со награди или чипови кои можат да бидат заменети за пари.

Лажна храна

Пред речиси секој ресторан во Јапонија ќе најдете лажни реплики од храната што ја нуди. Лажната храна се купува од улицата Kappabashi и овде можете да најдете од прибор за јадење, па сè до лажна порција суши.

Долговечност

Јапонците имаат најдолг просечен животен век, најмногу поради нивната исхрана и животниот стил. Во просек, мажите живеат по 81, а жените 87 години.

Иако звучи добро, ова претставува проблем за државата – постои недостаток од новороденчиња. Денес во Јапонија има повеќе стари жители отколку деца, а ова е проблем за јапонската економија.

Знаевте ли дека во Јапонија се продаваат повеќе пелени за возрасни отколку за бебиња?

Островска држава

Можеби мислите дека Јапонија е само еден остров, но неа ја сочинуваат дури 6.800 острови. Еден од најубавите јапонски острови е Окинава и овде ќе ги најдете најстарите луѓе на светот кои имаат 116 и 117 години.

Токио е лоциран на островот Хоншу, а останатите главни острови се Хокаидо, Шикоку и Кјушу.

„Шлапање“ за време на јадење

Можеби ние сме научени да не шлапаме додека јадеме, но во Јапонија важи друго правило. Шлапањето за време на јадење, особено нудли, покажува дека навистина уживате во храната.

Морска храна

Јапонците јадат над 17 милиони тони риба годишно – повеќе од која било друга држава. Околу 20% од протеините во исхраната на Јапонците потекнуваат од морска храна.

Дремење на работа

Во Јапонија се поддржуваат дремките на работното место бидејќи тоа е знак дека вистински ѝ се посветувате на работата, па сте се измориле.

Погледнете ги останатите факти на следната страница...