Го зајакнува имунитетот, нè прави посреќни - Интересни факти за сексот

Можеме да кажеме дека деновиве луѓето имаат многу слободно време. Оние, пак, кои се во брак или се во карантин со партнерот, сигурно голем дел од времето минуваат во спалната соба.

А, изгледа дека сексот е најдобриот начин да го искористите слободното време.

Во продолжение дознајте зошто:

Сексот го зајакнува имунитетот

Кој не би сакал посилен имунитет средe пандемија? Едно истражување покажало дека сексот го овозможува токму тоа.

Испитаниците кои учествувале во истражувањето одговарале прашања за нивната сексуална историја, а притоа бил проверен и нивниот имунитет.

Се покажало дека оние кои имале секс двапати неделно, имале значително посилен имунитет.

И мастурбацијата е добра за имунитетот

Науката покажала дека и мастурбацијата може да го зајакне имунитетот.

Во едно истражување учествувале мажи кои имале задача да мастурбираат, а потоа да дадат крв. Се покажало дека сексуалната возбуда и ејакулацијата го зголемиле бројот на бели крвни зрнца, кои имаат важна улога во имунолошкиот одговор на организмот.

За жените, сексот е добар за срцето

Пообемно истражување, во кое учествувале постари луѓе, покажало дека сексуалните врски имаат добро влијание врз здравјето на повозрасните жени.

Оние кои имале секс почесто и кои биле позадоволни од сексуалниот живот, имале и поздраво срце.

Оргазмите ја намалуваат болката

Научниците случајно откриле дека лабораториските глувци кои биле сексуално стимулирани чувствувале помалку болка. Ова ги натерало да направат истражување и со луѓе.

Испитаниците биле жени и имале задача да мастурбираат со едната рака. Другата рака им била прикачена на машина која им ги притиска прстите, а тие требало да оценат колку ги боли.

Се покажало дека за време на мастурбирањето, издржливоста на болка била поголема.

Истото влијание го имаат и оргазмите, поради ендорфините што се ослободуваат во мозокот.

21 е магичниот број (за мажите)

Веројатно сите момчиња тинејџери се имаат запрашано дали мастурбираат премногу. Науката вели дека најверојатно не, освен ако не се појави болка или непријатност.

Науката открила и колку често треба да мастурбираат мажите за да го одржат здравјето на простата.

Во истражување кое траело 18 години и во кое учествувале 32.000 мажи, се открило дека за мажите е најдобро да мастурбираат 21 пат месечно, за да го намалат ризикот од рак на простата.

Продолжува на следната страница...