Го зајакнува имунитетот, нè прави посреќни - Интересни факти за сексот

Сексот го намалува стресот

Ендорфините што се ослободуваат за време на секс не само што ја намалуваат болката, туку го подобруваат и нашиот одговор на стресот.

Со сексот се ослободува и окситоцин, неретко нарекуван и хормон на љубовта. Овој хормон го предизвикува чувството на поврзаност после секс и се покажало дека ја зголемува сочувствителноста кај луѓето.

Сексот го подобрува спиењето

Секоја жена знае дека мажите имаат навика да заспиваат после секс, а изгледа има причина за тоа.

Бидејќи сексот ги намалува стресот и анксиозноста и го релаксира телото, помага и полесно да заспиете.

Истражувањата покажале дека сексот пред спиење е одличен начин да се правите со несоницата.

Мастурбацијата ја подобрува концентрацијата

Додека менталните вежби и техниките за концентрација се одлични, можеби понекогаш сè што ви е потребно е малку самозадоволување.

Мозочните скенирања покажале зголемена активност на невроните после оргазам. Па, ако работите дома и не можете воопшто да се концентрирате, одвојте неколку минути за себе.

Сексот ја подобрува врската

Бројни истражувања покажале дека партнерите кои почесто имаат секс, поверојатно е дека ќе останат заедно. Сепак, сексот е еден од најважните делови од врската и е неопходен за и двајцата да бидат среќни.

Сексот не само што го подобрува расположението и го намалува стресот, туку ја продлабочува и емотивната поврзаност на партнерите.

Сексот нè прaви среќни

Има многу физички придобивки од сексот, но можеби најважно е неговото позитивно влијание врз менталната состојба.

Научниците направиле споредба помеѓу луѓе кои имале секс барем еднаш неделно, и луѓе кои имале секс помалку од еднаш месечно. Разликата во нивото на среќа била повеќе од очигледна.

Всушност, се покажало дека сексот нè прави посреќни и од повисоката плата. 

Па, ако карантинот ве прави депресивни, знаете што треба да направите.

Спирова С. | Црнобело