Доцна стапуваат во брак, може да шетате со дамка на себе: Факти за животот во Шведска

Кога некој ќе им даде комплимент тие не велат гордо „Благодарам“, туку нешто како „Ох, не, јас сум само обичен човек“ – не сакаат да се истакнуваат од толпата по ништо, ниту по облека, ниту по интелигенција.

Бидејќи не е прифатливо да се истакнувате, сите се облекуваат слично и кога шетате по улиците ќе имате чувство дека ги среќавате истите луѓе, но не, тие само носат слична облека.

И покрај едноличноста, стилот на локалците е софистициран и скап, а тие внимаваат многу на својата фигура.

Имаат бројчиња за ред секаде, дури и во пекарниците и треба да чекате додека ве повикаат.

Нормално ја прифаќаат голотијата и на плажа и во сауна и нема да видите дека некој му ги затвора очите на детето затоа што има гола личност пред него.

Пред да излезат од станот тие ѕиркаат низ клучалката дали има некој во ходникот затоа што не сакаат да се среќаваат и да зборуваат со соседите.

Ако ги прашате како се, тие нема да ви одговорат „Добро“ како што правиме ние, туку ќе почнат да ви говорат за сериозноста на нивните проблеми – по природа сакаат да се жалат.

С. С. | Црнобело