Секој трет е милионер, просечниот животен век е 86 години: Интересни факти за животот во Монако

Кириите на становите се превисоки, односно нешто најосновно ќе ве чини 3.000 евра, а поголем стан со 2 спални и балкон може да ве чини и повеќе од 10.000 евра

Затоа многу луѓе што работат во Монако, живеат во Франција и патуваат.

Семејните врски се многу важни во Монако, што не е изненадувачки затоа што луѓето родени таму имаат многу големи привилегии од државата. Процентот на разводи е многу мал.

Најголем дел од земјиштето на оваа мала држава се посветува на игралиштата за деца.

На Универзитетот од Монако се делат стипендии за студенти од 70 земји во светот и привилегија е што принцот го посетува универзитетот и лесно можете да стапите во контакт со него.

Студентите живеат во студентски дом во Франција, но од него до универзитетот стигнуваат со 20 минутно пешачење.

Во Монако сонцето свети 300 денови во годината и жителите се многу горди на тоа.

Цела држава можете да ја минете пешки за неколку часа, но потребно е кондиција за ридските делови.

Во Монако нема аеродром, бидејќи нема простор за тоа, најблискиот е во Ница, а оттаму до Монако може да се дојде со хеликоптер.

С. С. | Црнобело