Некои ѕвезди добиваат до 250.000 долари за да носат нечија креација – забавни факти за модата на црвениот тепих

Накитот за важни настани се носи во САД од цел свет со големо обезбедување, славните некогаш носат долна облека која се лепи на телото, па имаат и пријател кој им помага да одат во тоалет, а најчесто облеката која ја носат ѕвездите е позајмена и ја враќаат – факти за модата на црвениот тепих на важни настани.

Важните настани од светот на шоу-бизнисот, како Греми наградите, Оскарите и Мет галата, со текот на времето се претворија и во модни ревии.

Овие настани се одлична реклама за најголемите имиња од модната индустрија, кои неретко се подготвени да платат и огромни суми само за некоја ѕвезда да прошета на црвениот тепих со нивна креација.

Во продолжение неколку забавни факти за модата на црвениот тепих:

Неретко облеката што ја носат ѕвездите е само позајмена и по настанот треба да им ја вратат на дизајнерите.

Постои хиерархија кога славните одбираат која креација ќе ја носат. Односно, кога станува збор за награди, оние што имаат номинација можат да избираат први. По нив обично следат водителите, па сите останати ѕвезди кои ќе присуствуваат на доделувањето.

Најчесто ѕвездите одбираат да носат креации од дизајнери со кои имаат добар однос или со кои имаат соработувано и претходно. Токму поради ова, стилистите на славните ги контактираат дизајнерите неколку недели пред да се најават номинациите за да обезбедат креација за нивните клиенти.

И дизајнерите одбираат на кого ќе ја позајмат нивната креација. Всушност, најголемите модни брендови имаат листа со познати личности кои се обидуваат да ги облечат за секој настан, а сите останати им се во втор план.

Некогаш стилистите соработуваат со дизајнерите ако сакаат нивниот клиент (познатата личност) да носи накит, чевли или што било направено специјално за него.

Некогаш дизајнерите ја поклонуваат креацијата на познатата личност што ја носела, но ова е вистинска реткост. Наводно, ова најчесто се случува кога креацијата е специјално дизајнирана за таа позната личност.

Важен дел од комбинациите на познатите е и накитот. Па, пред важните настани, во САД се носи вреден накит од целиот свет, и тоа со огромно обезбедување. Неретко и златарите што им го позајмуваат накитот на ѕвездите си организираат обезбедување.

Ако станува збор за многу позната личност, дизајнерите се подготвени да платат и до 250.000 долари за таа да ја носи нивната креација. За дизајнерите, ова е еден вид маркетинг, а знаат да им платат и на стилистите што ги поврзале со ѕвездата.

Од 1920 до 1950 година, односно почетоците на Оскарите, познатите личности сами си ја купувале облеката што ја носеле на црвениот тепих.

Ако славната личност направи договор со некој дизајнер, не мора секојпат да носи негова креација, но очекувано е да одбере негова креација кога ќе оди на Оскарите. На пример, Џенифер Лоренс беше заштитно лице на Dior во 2016 година и на церемонијата носеше нивна креација. Сепак, за забавата по церемонијата облече креација од друг дизајнер.

Продолжува на следната страница...