„Кога секој ден броите калории и го мразите вашето тело“ - Руски психолог објаснува што е неуспех во животот

Неуспех е кога секој ден сонувате дека сè ќе се промени, додека не правите ништо за да го смените тоа...

Неуспехот не е тоа што можеби во моментот сте сами или тоа што ја немате кариерата на којашто се надевавте, туку нешто сосема друго. Веројатно секој од нас има различна дефиниција за тоа што претставува неуспех во животот.

За некого тоа е недоволно успешна кариера и недоволно пари, за други, пак, немањето деца. За голем дел од луѓето неуспех е доколку сè уште немаат свој „покрив над главата“, или пак живеат со родителите.

Меѓутоа, неуспехот е всушност нешто сосема друго. Ако копате подлабоко, може да откриете дека неуспехот е одраз на незадоволителна внатрешна состојба. 

Рускиот психолог Михаил Лабковски открива кој е најголемиот неуспех во животот. Ова се неговите зборови:

Неуспехот е…

- Кога не го поминувате денот онака како што навистина сакате.

- Кога работите на високо платена работна позиција работа, а не ви се допаѓа работата.

- Во брак сте со најпаметниот, најпочитуваниот и најубавиот човек, но едноставно не го сакате.

- Кога секој ден броите калории и го мразите вашето тело.

- Кога сакате нешто целиот живот, но се плашите да го почнете, затоа што се сомневате во себе. На пример, сакате да напишете роман, но немате храброст да ставите ниту еден збор на хартија.

- Кога живеете исполнети со љубов, разбирање и добрина, но сепак мислите дека нешто туѓо е подобро од вашето.

- Кога детето постојано сака да си игра, а вие ја избегнувате забавата со него.

- Кога сакате да појадувате вкусен кроасан додека го прелистувате весникот, но сепак јадете инстант каша „од нога“ и брзате кон автомобилот за да продолжите со бркањето на нови обврски.

- Кога секој ден сонувате дека сè ќе се промени, додека не правите ништо за да го смените тоа.

Ова се работите кои Михаил Лабковски ги нарекува неуспех. Што мислите вие? Што е за вас – неуспех?

(О)Милена | Црнобело