Ја викаат италијанската Ким Кардашијан, романса со Кристијано Роналдо: Која е Кристина Бучино?

Самата признава дека направила естетски корекции на градите. Се шпекулира дека имала романса со Кристијано Роналдо и со Колин Фарел. Факти за Кристина Бучино – најплатениот италијански модел.

Кристина Бучино (36) важи за најпозната италијанска манекенка и инфлуенсерка во моментов. На Инстаграм има 2,6 милиони следбеници, што редовно ги следат нејзините објави, а во својата земја уште ја нарекуваат и италијанската Ким Кардашијан.

Во продолжение неколку факти за неа:

Кристина е родена во италијанското село Кастровилари во Калабрија, Италија. Иако точно не се знае идентитетот на нејзините родители, таа има уште две сестри: Марија Тереза и Донатела со кои е мошне блиска и кои исто така се модели.

Кристина се преселила во Рим за време на средното образование, а откако се стекнала со средношколска диплома одлучила да се посвети на кариерата како модел.

Модниот свет го освоила благодарение на сопствената убавина. Но, самата признава дека направила естетски корекции на градите, а некои шпекулираат дека има направено операција и на носот.

Таа е мошне блиска со своите сестри и ако Кристина е италијанската Ким, тогаш трите сестри се познати како италијанските сестри Кардашијан. Тие заедно имаат сопствена линија за нега на кожа.

Од 2006-та година по успешното лансирање на кариерата како модел, почнала да се појавува во повеќе италијански телевизиски шоуа.

Учествуваше и во италијанската верзија на шоуто „Преживеан“ (Isola dei Famosi), каде имаше лошо искуство – поради честите убоди од комарци постојано имаше алергии, а проблем ѝ беше и недостатокот на храна и стравот од темница.

За Кристина се знае дека била во врска со италијанската ТВ личност Кристијано Ангелучи, а потоа била во долгогодишна врска со синот на италијанскиот пејач Џиџи Далесио, Клаудио.

Низ годините Кристина била поврзувана со повеќе светски славни личности, меѓу кои и со фудбалерите Кристијано Роналдо и Александар Коларов, а исто така се коментираше дека била во врска и со Колин Фарел.

Кристина во моментов целосно се посвети на работата како инфлуенсерка. Нејзиното богатство се проценува дека тежи 5 милиони долари.

На следната страна погледнете повеќе нејзини фотографии: