Вирално видео: Татко се онесвести на породувањето на сопругата и стана мета на шеги

Подоцна сопругот дал и изјава за локален медиум:

„Не се сеќавам ништо од моментот кога бебето беше родено“.

Како што споделува The Sun, Маријан и Макион отишле во болница на 18-ти април за итен царски рез. Во операционата сала присуствувале и двајца фотографи кои раскажуваат за искуството:

„Кога пристигнавме, мајката и таткото беа малку исплашени, но сè помина во најдобар ред. Целата процедура се одвиваше смирено, а медицинскиот тим, исто како и родителите, беа сигурни дека ќе нема компликации.

Но, во 8:24 часот наутро, во моментот кога бебето се роди, таткото изгуби свест“.

Макион се освестил по само неколку минути и имал можност веднаш да ја држи во раце новородената ќерка.

Нормално, во коментари на виралното видео има бројни шеги за реакцијата на таткото, а некои споделуваат и свои искуства.

„Жените не сфаќаат колку е тешко породувањето за татковците. Биди силен, воину“.

„Сакал да биде во центарот на вниманието“.

„Пред 16 дена ми се роди син и бев многу емотивен, но не се онесвестив“.

„Се прашувам дали ќе умреше ако жена му се породуваше без царски рез“.

„Луѓето се шегуваат и за мене, но кога ми се роди синот, речиси изгубив свест. Беше со царски рез и ја гледав партнерката во шок“.

„Ова ли е посилниот пол?“

„Добро е што не мораше тој да се породува“.

Погледнете го видеото:

Спирова С. | Црнобело