3-минутна вежба која ќе ви помогне да бидете посреќни (и поздрави) уште денес

Минута 1: Станете свесни за просторот кој ве опкружува и комфорно седнете си на место кое ви е пријатно. Убава светлина, свеќички, предмети што ве потсетуваат на патувања...

Назанин Манди, родена во Калифорнија, е автор и лајф коуч, која постојано дава совети како да имате подобар и посреќен живот.

Сега, таа открива една вежба со која само за 3 минути ќе си го подобрите животот.

Таа вели дека најважно е секој ден да покажувате благодарност за малите работи во животот.

Нејзиниот ритуал за благодарност за кој гарантира дека ќе ве направи посреќни и поздрави:

Минута 1: Станете свесни за просторот кој ве опкружува и комфорно седнете си на место кое ви е пријатно. Убава светлина, свеќички, предмети што ве потсетуваат на патувања, опкружете се со сè што ви помага да си креирате совршена медитативна сцена.

Минута 2: Сега е време да се смирите, да го земете своето пенкало и дневник и да напишете листа за што сте благодарни, без разлика дали тоа е нешто мало или големо.

Целта е да замислите 3 до 5 луѓе, места или работи за кои сте среќни и да се обидете одново да ги доживеете пријатните емоции, поврзани со нив.

Минута 3: Додека седите исполнети со благодарност, дишете длабоко и полека, за да ги средите емоциите и мислите.

Затворете ги очите и ставете ги вашите раце на срцето за да постигнете баланс со телото.

И направете сè што е потребно за овој период на благосостојба да потрае, пред да ги отворите очите и да продолжите со својот ден.

Оваа вежба, ако ја правите секојдневно, ќе ви помогне да се фокусирате на секојдневните мали радости, како кафето и разговорот со пријателите, а не на предизвиците и негативната енергија со која е нормално дека ќе се соочувате во текот на животот.

Клучот на доброто ментално здравје е благодарноста. Запомнете го тоа!

С. С. | Црнобело / фото: depositphotos.com