3 кратки приказни кои се доказ дека еден убав гест разубавува живот

„Неодамна станав самохрана мајка. Во продавницата моето дете сакаше играчка. Ја зеде и кога стигнав на каса сфатив дека немам пари, а го немам и човекот до мене, на кој сум навикната и од кого можам да побарам пари...“

Понекогаш малите работи прават голема промена, па така кога сме тажни, само еден мал и добар гест од страна на некој може да ни симне товар од срце.

Луѓе на Reddit споделуваат такви приказни, како некој со мал гест им разубавил ден.

Неколку емотивни приказни:

„Беше вечерно време, се возев во јавен превоз. Сите беа потонати во мислите и со сериозни лица. И тогаш дојде еден дечко...

Тој пристапи до секој патник и на сите им кажуваше по нешто, а секој му се насмевнуваше. Мене ми кажа дека имам многу убава коса, а на девојката до мене дека очилата совршено ѝ прилегаат.

На секој му упати комплимент, а веќе на следната станица луѓето се гледаа еден со друг и се насмевнуваа“.

„Неодамна станав самохрана мајка. Во продавницата моето дете сакаше играчка. Ја зеде и кога стигнав на каса сфатив дека немам пари, а го немам и човекот до мене, на кој сум навикната и од кого можам да побарам пари...

Тогаш ми пристапи еден маж нудејќи ми пари и ми кажа 'Најверојатно, тазе разведена? Не грижи се, ќе стане полесно со текот на времето' и овие зборови останаа врежани во мене.

Дури и кога имам лош ден, се сеќавам на овие зборови“.

„По тешка разделба на долгогодишна врска, ми пукна гума додека возев. Застанав покрај патот, ја ставив главата на воланот и плачев.

Во тие мигови се чувствував неутешно и тогаш сфатив дека некој ми чука на прозорецот.

Велосипедист застанал да ми помогне. Откако ми ја смени гумата, виде дека не се чувствувам најдобро и ме покани на кафе и пијалак. Направи сè што беше во негова моќ за да ме насмее“.

С. С. | Црнобело