Психолошки трикови со кои ќе си ја подобрите меморијата и ќе учите поефикасно

Користете маркери со различни бои, истуширајте се и поврзувајте си ги информациите со нешто друго – што друго ќе ви помогне да учите поефикасно? 

Колку и да сакате да учите, без разлика дали за тест, испит или од љубопитност, факт е дека одвреме-навреме ќе се соочите со проблеми со концентрацијата или покомплексна тема која ви е тешко да ја совладате и запомните.

Доколу сте во ваква ситуација, можеби следниве трикови ќе ви бидат од помош:

Користете различни бои

Неколку истражувања имаат покажано дека користењето маркери со различни бои додека учите може да ви помогне полесно да ги запомните информациите.

На мозокот му е полесно да поврзе одредена информација со одредена боја.

Па, слободно користете неколку бои на маркери (или пенкала) додека учите нешто.

Стегајте ги дланките во тупаници

Истражување во кое учествувале 50 испитаници покажало дека стегањето на десната дланка во тупаница може да ја подобри меморијата.

Испитаниците побрзо и подобро запомнувале долга листа со зборови додека ја стегале десната дланка.

Потребни се дополнителни истражувања за да се разјасни механизмот зад оваа појава, но не губите ништо ако пробате.

Учете на глас

Гласното повторување на материјалот што го учите ќе ви помогне многу полесно да ги запомните информациите, а ова го има потврдено и истражување спроведено на Универзитетот во Ватерло.

Според главниот автор на истражувањето, кога учиме на глас, информациите се истакнуваат во нашето сеќавање, па ги помниме полесно и подолго.

Џвакајте мастика

Некои истражувања покажале дека џвакањето мастика може да ја зголеми концентрацијата, и со тоа да го направи учењето поефикасно.

Всушност, дел од истите истражување покажале дека џвакањето мастика ја зголемува и продуктивноста.

Продолжува на следната страница...