7 бон-тон правила за во ресторан и на свечени настани

Ако сте на свечен настан со шведска маса, едната рака секогаш нека ви биде слободна. Кои бон-тон правила треба да ги почитувате кога сте во ресторан или на некоја свеченост?

Можеби многу бон-тон правила ни изгледаат бесмислено, но голем дел од нив постојат со причина.

Некои се практични, а со некои, едноставно, им покажуваме почит на другите.

Бон-тон правила за во ресторан и свечености:

Едната рака секогаш нека ви биде слобода

Ако сте на свечен настан со шведска маса, каде што присутните генерално стојат, осигурете се дека едната рака секогаш ќе ви биде слободна.

На ваквите настани е очекувано да се запознавате и да се поздравувате со многу луѓе, па едната рака секогаш ќе ви биде потребна.

Не го порачувајте најскапиот оброк кога некој друг ја плаќа сметката

Дури и да сте на маса со најбогата личност што ја познавате, воопшто не е учтиво да го порачате најскапиот оброк на менито.

Освен ако тој што плаќа не инсистира да порачате нешто скапо, држете се до поевтините опции.

Подавајте ја храната во насока на стрелките на часовникот

Кога сте на маса и подавате нешто, како леб, секогаш почнете во насока на стрелките на часовникот.

Прво понудете му на оној од вашата лева страна, па на тој од десната. Тој од десната треба да продолжи понатаму.

Во ред е да оставите храна во чинијата

Ова генерално зависи од државата во којашто се наоѓате. Па, ако одите во странство, истражете дали е навредливо ако оставите храна во чинијата.

Ако во државата нема таква културна норма, не се присилувајте да изедете сè.

Држете ја шолјата кафе или чај со двете раце

Со едната рака треба да ја фатите дршката на шолјата, а со другата нежно да ја држите на дното.

Пијте од една страна на чашата

Со секоја голтка оставате дамки на чашата, особено ако имате кармин.

Па, за чашата да не изгледа многу валкано, пијте само од едната страна.

Исто така, кога пиете, немојте да ја кревате чашата повисоко од линија на очите.

Слободно кажете му на келнерот ако направи грешка во нарачката

Кога се преплавени со работа, нормално е келнерите некогаш да направат грешка во нарачката.

Можно е и храната да е пресолена или да има состојка што сте нагласиле да не ви ја стават.

Во ваква ситуација, не двоумете се дали да ја вратите нарачката. Но, направете го тоа културно – извинете се и замолете го келнерот и немојте да правите сцени.

Спирова С. | Црнобело