Најтрендовски новогодишни дочеци

Да, имало трендови и во новогодишните прослави. Ни доаѓаат од татковината на бесмислените помодарски идеи, Америка. Очигледно домашните...

...забави баш се „ин“. Ама не е доволно само да се забавувате со пријателите...

Кризата се одразува и на најнеочекувани места, како на пример при најмување бебиситер за новогодишната ноќ. Годинава паровите со деца се договараат да ги земат и децата во куќата каде ќе слават.

Наместо секој да плаќа бебиситерка по дома, вака заеднички собираат пари за само една која ќе ги пази децата во некоја соба додека родителите на раат си пијат во дневна.

Ваква финта отсекогаш употребувале родителите во Македонија, само не се сеќаваме дека некогаш имало и бебиситерка :)

Кога ќе отчука полноќ за влез во 2012 година на многу места низ САД групи луѓе ќе бидат свиткани во необични пози. Не, не се работи за чудни оргии, туку за новогодишни часови јога. Затоа што нема друго време за вежбање...

Забави со најмување гатачки. Гледач на тарот карти или астролог е најпопуларниот избор за луѓе што сакаат да дознаат каква ќе им биде следната година уште во истиот момент кога таа ќе започне.

Забави со автомат за сликање. За веднаш да може да се стават стотици слики на фејсбук?

Славење со здрава храна. Наместо трпеза богата со вкусови, сѐ повеќе луѓе избираат трпеза сиромашна со калории. Така им било полесно да се придржуваат до ветувањето дека следната година ќе се хранат здраво. Можеби затоа што не пробале руска салата со домашни кифлички...

З.П. | Црнобело