Што се случуваше во првите месеци од 2020-та, пред самиот почеток на пандемијата?

Коби Брајант загина во хеликоптерска несреќа, Џеј Ло беше во врска со Алекс Родригез, Parasite издоминира на Оскарите, а Илон Маск имаше „само‘ шест деца – сето ова се настани од почетокот на 2020-та, кратко пред Светската здравствена организација да прогласи пандемија. Ви се верува ли дека поминаа дури шест години?

Дали ви се чини дека од почетокот на пандемијата поминаа само две-три години?

Ако одговорот е да, не сте единствените, но во реалноста, ширењето на коронавирусот официјално беше прогласено за пандемија на 11-ти март 2020-та – пред точно шест години.

На почетокот, освен медицинските лица, на останатите како да не ни беше јасно што сè нè очекува.

Животот ни се промени толку многу, што она што се случуваше во 2020-та, сега ни изгледа како од некоја друга реалност.

Истовремено, поради локдаунот годините ни се слеаја во една, па скоро сите имаме изменета перцепција за времето.

Како изгледаше светот на почетокот од 2020-та, пред сè драстично да се промени?

Видеото од пејачката Шарлот Обери која ја пее Shallow во метростаница се споделуваше вирално

Шакира и Џеј Ло настапуваа на полувремето на Super Bowl

На Нетфликс почна да се прикажува Tiger King – документарната серија што ја гледавме сите додека бевме затворени дома

Pussycat Dolls го најавија нивниот камбек, а планираа и турнеја, но мораа да ја откажат поради пандемијата

Dance Monkey беше една од најпопуларните песни

Меган Фокс и Брајан Остин Грин уште беа заедно

Продолжува на следната страница...