Застарени бонтон правила што никој не ги почитува

Мажите не треба да чекаат жената да им пружи рака за да се ракуваат, а во ресторан не е важно дали храната ќе им биде послужена прво на дамите. Кои бонтон правила се сметаат за застарени и никој веќе не ги почитува?

Бонтон правилата служат за да се олесни комуникацијата меѓу луѓето, но некои од нив се толку многу застарени, што воопшто нема причина повеќе да се користат.

Кои бонтон правила од минатото можете слободно да ги занемарите?

Јадењето и пијалакот се сервирaат прво на дамите

Според бонтон правилата, кога сте во ресторан, прво храната им се сервира на дамите во правец на движењето на стрелките на часовникот, а потоа се услужуваат и мажите.

Но, со текот на времето рестораните престанаа да се придржуваат до овие правила, така што порциите ги сервираат според тоа како им одговара на келнерите и на нивниот начин на работење.

Заради ова, бонтон правилото според кое дамите треба први да го добијат оброкот станува застарено и заборавено.

Не се ракувајте со жена додека таа не ви пружи рака

Во минатото се верувало дека мажот не смее да ѝ пружи рака на жена додека таа не го направи тоа.

Сепак, денес веќе мажот не треба да чека жената да му подаде рака.

Подароците за свадба треба да ја покриваат цената на порцијата

Во минатото, луѓето се оптоваруваа со правилото дека цената на подарокот за свадба треба да ги покрива трошоците за порциите во ресторанот.

Но, се смета дека ова е застарено правило, па денес секој подарува толку колку што може да си дозволи со сопствениот буџет.

Подарокот за свадба можете да го испратите во рок од една година

Во минатото многумина веруваа дека ако не сте биле на свадба, тогаш во следната една година можете да однесете подарок и да им честитате на младите.

Сега правилото е променето и се верува дека ако сакате да одите и да им честитате на младенците, тогаш тоа треба да го направите најдоцна еден месец по свадбата.

Не треба да се потпирате со лактите на масата

Ова правило датира од времето кога масите често биле изработени од неквалитетни материјали и потпирањето можело да значи дека храната ќе заврши на подот.

Но, денес тоа правило не важи и спротивно на тоа – се верува дека е добро да се потпрете на масата или да се навалите кон личностa што ја слушате за да покажете интерес.

Жената секогаш треба да се движи од десната страна на мажот

Ова правило било измислено во Средниот век, кога мажите вообичаено од левата страна носеле меч, па за дамите било опасно да се движат од нивната лева страна.

Јасно е дека ова правило веќе нема потреба да се применува.

Се наздравува само со алкохол

Ова правило се врзува за суеверие кое датира уште од античкиот свет и воопшто нема никаква причина да мора да пиете алкохол, ако не смеете или не сакате.

Бремените жени и лицата кои не консумираат алкохол од кои било причини нема потреба да се воздржуваат од наздравување.

Б. С. Б. | Црнобело