Поучна приказна за озборувањето која ќе ве научи како да се справите со „злобните јазици“

Мајка ми ми раскажуваше како се справила со пријателките што ја озборувале, со роднините што ја напуштиле, со другарката што ја изневерила... Поучна приказна за озборувањето.

Секој од нас се нашол во ситуација да биде мета на озборувања. Па дури и да сте најсилната личност на светот, секогаш ваквите негативни коментари може да ве повредат.

Ако знаете дека спротивставувањето на озборувачите не е решение, тогаш што треба да се направи?

Ова е поучна приказна на која треба да се сетите секојпат кога ќе се најдете во таква непријатна ситуација:

„Мајка ми еднаш ми рече дека ѝ се случило да влезе во соба и да слушне како неколку нејзини пријателки ја озборувале, без да знаат дека и таа е таму.

Таа само одмавнала со главата, се насмевнала и си заминала.

Мајка ми исто така ми кажа и дека имала другарка што зборувала лошо за неа.

Мајка ми никогаш не ѝ кажала дека знае за тоа. Се насмевнала и заборавила на ова пријателство.

Таа ми раскажа дека имала и роднини кои одлучиле да се оддалечат од неа, затоа што таа застанала во одбрана на своите принципи. И затоа што престанала да прави сѐ што може за нив, додека тие не сакале ниту да мрднат со прст за неа.

Се намевнала, одмавнала со глава и си заминала.

Ја прашав еднаш како можела само да си замине од луѓето што ја изневериле, а кои само се преправале дека ѝ се пријатели и роднини што ја сакаат...

Ми рече дека секојпат кога ќе се нашла на таква раскрсница, морала да одлучи кој е тој што ќе го продолжи патувањето со неа.

Ова ѝ покажало кој не може да продолжи понатаму со неа.

Затоа ми рече дека никогаш не треба да се лутам на луѓето што ме изневериле, дури и ако тоа се пријатели или роднини.

Само гордо поклони се и уживај го патувањето со новите луѓе, што ќе ги заменат старите“.

Б. С. Б. | Црнобело