Топло бело чоколадо
Топлото чоколадо е едно од најслатките зимски задоволства. Белото чоколадо особено ќе им се допадне на оние кои како мали ја јадеа само белата...
...половина од еурокремот, но и на останатите кои сакаат мала промена од стандардниот темен пијалок.
Потребно за 600 ml топло чоколадо:
- 250 ml слатка павлака
- 100 грама бело чоколадо
- 300 ml млеко
За посилен вкус ставете уште 100 грама бело чоколадо, а ако сакате погуст пијалок користете двојно помалку млеко.
По вкус: неколку капки екстракт од ванила, цимет, мускатно оревче...
Ставете ја слатката павлака во длабок сад (препорачливо на пареа) и во неа топете го чоколадото со постојано мешање додека не почне да врие. Тргнете го од рингла, додајте ванила и зачини по желба, промешајте и додајте го млекото. Вратете го садот на рингла да зоврие уште еднаш, повремено промешувајте.
По желба украсете со шлаг, рендано чоколадо и цимет. Се служи врело.
Уживајте!
Би можело да ве интересира:
Препорачуваме
Најчитани неделава
