Пет работи кои им се забранети на жените во Северна Кореја

Мажените жени имаат право само на една фризура и никаде не се продаваат влошки и тампони. Што друго им е забрането на жените во Северна Кореја?

Северна Кореја - изолирана и мистериозна земја во Источна Азија која сѐ повеќе станува интригантна за луѓето ширум светот.

Малку се оние кои ја посетиле.

Севернокорејскиот лидер Ким Џонг Ун, со воведување забрaни, се обидува да се избори против влијанието на западната култура во неговата земја.

Начинот на кој жените се перципирани варира многу, во зависност од нивниот статус и улога во општеството. 

Во патријархалниот систем, постои јасно дефинирана хиерархија која ги рангира мажите над жените и ги ограничува женските активности. 

Начинот на кој жените се перципирани во Северна Кореја е под големо влијание и од конфучијанскиот патријархален систем и од идеологијата Џуче на покојниот Ким Ил Сунг.

Ова се дел од работите кои им се забранети на жените во Северна Кореја:

Фризури

Интересно е тоа што немажените жени можат да изберат една од само 15 фризури одобрени од владата, додека мажените треба да носат кратка коса.

Фармерки

Сините фармерки и модата од западните земји се строго забранети

Севернокорејскиот лидер Ким Џонг Ун забрани носење фармерки и друга облека што е модерна на запад.

На овој начин, Северна Кореја се обидува да се избори против влијанието на западната култура, која продира во земјата од нејзините соседи.

Влошки

Во Северна Кореја воопшто не се продаваат влошки и тампони за еднократна употреба. Жените користат влошки за повеќекратна употреба. 

Дизајнерски чевли

Во Северна Кореја не се достапни дизајнерски чевли, со исклучок на регионите кои граничат со Кина, каде што можете да купите чевли со високи потпетици од кинеско производство.

Жените немаат право да возат

Право да возат имаат само машките државни службеници, а на жените воопшто не им е дозволено да возат, без разлика на професијата.

С. Ш. | Црнобело / фото: pixabay.com