Необични детали од секојдневието во Јапонија што ги бунат туристите

Тоалети во лифтовите во случај некој да биде заглавен поради земјотрес, но и вагони во метрото наменети исклучиво за жени.

Секоја земја е уникатна на свој начин, но според многумина Јапонија се истакнува над скоро сите.

Покрај богата историја и култура, и модерниот начин на живот во Јапонија постојано ги буни странците и туристите.

Неколку ситници од секојдневието на Јапонците што ја покажуваат уникатноста на оваа земја:

Ако имате тетоважа, препорачливо е да ја скриете кога ќе одите во Јапонија. Тетоважите не се нелегални, но многумина ги поврзуваат со озлогласената криминална организација Јакуза, па и Јапонците кои се тетовирани, настојуваат да ги кријат кога се во јавност.

Кога влегуваат во училиштето, учениците мора да ги соблечат чевлите со коишто дошле и да облечат чисти чевли. Ова правило важи за секој кој ќе влезе во училиштето, вклучувајќи ги и родителите.

Бидејќи земјотресите се честа појава во Јапонија, неретко луѓето се заглавени во лифтови. А, за таквите ситуации, во многу лифтови има инсталирано тоалетот „за итни случаи“. Некогаш покрај тоалетот, има и храна и вода, во случај личноста да е заглавена подолг период.

Јапонците ги гледаат милениците како свои деца, па не е реткост да видите како некој си го шета кучето (па и мачката) во количка.

Според јапонската култура, неучтиво е да се навалите на масата додека јадете. Поради ова, кога оброкот им овозможува, Јапонци ја држат чинијата во рака додека јадат.

Продолжува на следната страница...